ახალი ამბები

21-26 აპრილს ტრაპიზონში მეორედ გაიმართა ტრადიციული საერთაშორისო ლიტერატურული ფესტივალი, რომელშიც საქართველოს, თურქეთის, რუსეთის, ირანისა და აზერბაიჯანის მწერლებმა, პოეტებმა და ლიტერატურათმცოდნეებმა მიიღეს მონაწილეობა. ყოველ მონაწილე ქვეყანას ფესტივალის ერთი დღე დაეთმო. ქართული ენისა და ლიტერატურის დღეს ქალაქმა სურმენემ უმასპინძლა. ქართულმა დელეგაციამ, რომელშიც შედიოდნენ ქუთაისისა და ბათუმის სახელმწიფო უნივერსიტეტების წარმომადგენლები, სურმენეს კულტურის ცენტრში შეკრებილ საზოგადოებას გააცნეს ქართული დამწერლობის, ლიტერატურისა და ქართულ-აღმოსავლური კულტურულ-ლიტერატურული ურთიერთობების ისტორია. ბსუ პროფესორმა რამაზ ხალვაშმა წაიკითხა მოხსენება თემაზე: „შოთა რუსთაველი და მისი „ვეფხისტყაოსანი“.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ბათუმის ტურიზმისა და სასტუმრო აღჭურვილობის მე-10 საიუბილეო საერთაშორისო გამოფენაში „ექსპო ბათუმი -2017" ღებულობს მონაწილეობას. ფაკულტეტის სტუდენტები და პროფესორ-მასწავლებლები ვიზიტორებს ტურიზმის მიმართულების საგანმანათლებლო პროგრამებს, სწავლების პირობებსა და სტუდენტური ცხოვრებას გააცნობენ. გამოფენა სამ დღეს გაგრძელდება და მასში 7 ქვეყნის 80 ქართული და უცხოური კომპანია არის წარმოდგენილი

დღეს, ბათუმის შოთა რუსთაველის სახელმწიფო უნივერსიტეტში განათლების საერთაშორისო ცენტრის წარმომადგენლებმა 2017-2018 სასწავლო წლისთვის საზღვარგარეთ სასწავლო პროგრამების შესახებ საინფორმაციო შეხვედრა გამართეს. დაინტერესებულ საზოგადოებას საშუალება ჰქონდა დეტალური ინფორმაცია მიეღო საერთაშორისო სამაგისტრო, სადოქტორო სახელოვნებო და ფულბრაიტის სასტიპენდიო პროგრამების კონკურსთან დაკავშირებით.

ბათუმის შოთა რუსთაველის სახელმწიფო უნივერსიტეტი პროექტის „უნივერსიტეტის ფართო საზოგადოებისთვის’’ ფარგლებში აბიტურიენტებისათვის ზოგადი უნარების იმიტირებულ გამოცდებს მართავს. ერთიანი ეროვნული გამოცდების იმიტირებული ტესტირება ბსუ-ს საგამოცდო ცენტრში მიმდინარეობს და აჭარის რეგიონის 400-მდე აბიტურიენტი მონაწილეობს. ტესტირების მიზანი აბიტურიენტების ერთიანი ეროვნული გამოცდებისათვის მომზადება წარმოადგენს.

დღეს, ბათუმის შოთა რუსთაველის სახელმწიფო უნივერსიტეტში ივანე ჯავახიშვილის სახელობის თბილისის სახელმწიფო უნივერსიტეტის პროფესორის, ლექსიკოგრაფიული ცენტრის სამეცნიერო ხელმძღვანელის თინათინ მარგალიტაძის საჯარო ლექციათა ციკლი დაიწყო. პირველი მოხსენება თანამედროვე ქართულ ენაში მიმდინარე პროცესებსა და მშობლიური და უცხო ენების სწავლების მეთოდოლოგიას შეეხებოდა. თინათინ მარგალიტაძემ მოძრაობის "არა ბარბარიზმებს" ფარგლებში შექმნილი ინგლისურენოვანი ბარბარიზმების ელექტრონული ლექსიკონი წარუდგინა დამსწრე საზოგადოებას. შემდეგი მოხსენება „სიტყვის მნიშვნელობა და მისი სწავლებისა და კვლევის მეთოდები’ ’ ბსუ-ში, ხვალ,12:00 საათზე გაიმართება.