სტუდენტებო და პროფესორ-მასწავლებლებო, გაცნობებთ, რომ შექმნილი სიტუაციის გათვალისწინებით, უნივერსიტეტში სასწავლო პროცესი გაგრძელდება ჩვეულ რეჟიმში, გარდა იურიდიული და სოციალურ მეცნიერებათა ფაკულტეტისა. უსაფრთხოების მიზნით, უნივერსიტეტში შემოსვლა შესაძლებელი იქნება მხოლოდ ნინოშვილის ქუჩიდან, ხოლო მეორე კორპუსში გადასვლა - I და II კორპუსის დამაკავშირებელი სივრცით.
ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბსუ-ს ემერიტუს-პროფესორის, ცნობილი ქართველი ფიზიკოსის, ფიზიკა-მათემატიკის მეცნიერებათა დოქტორის, ღირსების ორდენის მფლობელის, ჟუჟუნა დიასამიძის გარდაცვალების გამო. ემერიტუს-პროფესორი ჟუჟუნა დიასამიძე ბათუმის შოთა რუსთაველის სახელმწიფო უნივერსიტეტში 1971 წლიდან ეწეოდა აქტიურ პედაგოგიურ და სამეცნიერო საქმიანობას, გამოქვეყნებული აქვს 80-მდე სამეცნიერო ნაშრომი, ჩართული იყო სამეცნიერო საგრანტო პროექტებში.
ბათუმის შოთა რუსთაველის სახელმწიფო უნივერსიტეტის საერთაშორისო სამეცნიერო ჟურნალი „აღმოსავლეთმცოდნეობის მაცნე“/„Herald of Oriental Studies” ტომი 7. №1. გამოვა 2024 წლის ივნისში. სამეცნიერო შრომების წარდგენის ბოლო ვადაა 2024 წლის 15 მაისი. კრებული გამოიცემა ქართულ და ინგლისურ ენებზე. ჟურნალი გამოდის წინასწარ დაგეგმილი გრაფიკით წელიწადში ორჯერ (ივნისსა და დეკემბერში) და გამოქვეყნება უფასოა.
