5 ოქტომბერს, 16:00 საათზე, ბათუმის შოთა რუსთაველის სახელმწიფო უნივერსიტეტის სააქტო დარბაზში, სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე სტუდენტებს საერთაშორისო გაცვლით პროგრამაში მონაწილეობის პირობებს გააცნობს.
ფსიქოლოგი ზურა მხეიძე, 30 სექტემბერს, 16:00 საათზე, 55-ე აუდიტორიაში, ბსუ-ს სტუდენტებისთვის ჩაატარებს ლექციას თემაზე: „თვითმოტივაცია, როგორც წარმატების წინაპირობა“.
პროფესორ ზურა მხეიძეს აქვს 30-წლიანი კონსულტაციის გამოცდილება, 20-მდე საჯარო თუ კერძო კომპანიასთან მართვის და საზოგადოებასთან ურთიერთობის საკითხებში. 25 წელზე მეტია ატარებს ლექციებსა და ტრენინგებს მართვის და კომუნიკაციის მიმართულებით საქართველოს სხვადასხვა უნივერსიტეტში. მონაწილეობდა 30-მდე კვლევასა და საკონსულტაციო პროექტებში.
ბათუმის შოთა რუსთაველის სახელმწიფო უნივერსიტეტი გილოცავთ ახალი სასწავლო წლის დაწყებას და წარმატებებს გისურვებთ!
11:00- 14:00 სთ - საინფორმაციო შეხვედრები ფაკულტეტების დეკანებთან;
პირველკურსელებთან საინფორმაციო შეხვედრა ფაკულტეტების მიხედვით გაიმართება შემდეგი განრიგით:
22-24 აგვისტოს ბსუ-ს იურიდიული და სოციალურ მეცნიერებათა ფაკულტეტისა და ორგანიზაციის „სამოქალაქო საბჭო თავდაცვის და უსაფრთხოების საკითხებში“ ორგანიზებით ჩატარდება მეშვიდე საზაფხულო უნივერსიტეტი „ბირთვული უსაფრთხოება და გაუვრცელებლობა“ თემაზე: „რუსეთის შეჭრა უკრაინაში, ახალი გამოწვევები და რისკები ბირთვული უსაფრთხოებისა და გაუვრცელებლობის რეჟიმისათვის“. საზაფხულო უნივერსიტეტის ფარგლებში დაგეგმილია ინფორმაციულ სემინარების ჩატარება უნივერსიტეტის აკადემიური პერსონალისა და სტუდენტებისთვის. სემინარებში ჩართული საერთაშორისო ექსპერტები ლექციებს წაიკითხავენ გლობალური უსაფრთხოების საკითხებზე.
14-20 აგვისტოს, ქალაქ ბათუმში, საქართველოს უნივერსიტეტის სამართლის სკოლისა და ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტების ერთობლივი პროექტის ფარგლებში, გაიმართება საზაფხულო სკოლა „კონსტიტუციური მართლმსაჯულების აქტუალური საკითხები". საზაფხულო სკოლაში მონაწილეობა შეუძლია ნებისმიერი ავტორიზებული უნივერსიტეტის სამართლის საბაკალავრო და სამაგისტრო პროგრამის სტუდენტს.
