8 მაისს, ბიოლოგიის დეპარტამენტის მხარდაჭრით, ასოც.პროფ.ნინო ლომთათიძის მიერ, აჭარის ავტონომიური რესპუბლიკის ხუთივე მუნიციპალიტეტის საჯარო სკოლის მოსწავლეებისათვის ჩატარდა სემინარი თემაზე: „ადამიანის ჯანმრთელობა და გარემოს დაბინძურება“. მოსწავლეები გაეცნენ იმ ძირითად მავნე ნივთიერებებს, რომლებიც გარემოდან ხვდებიან ადამიანის ორგანიზმში და იწვევენ სხვადასხვა სახის დაავადებებს.
ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით ტრენინგი ჩატარდა თემაზე: „ევროკავშირის ქიმიური, ბიოლოგიური, რადიოლოგიური და ბირთვული (ქბრბ) რისკის შემცირების გამოცდილების გაზიარება“. ტრენინგს უძღვებოდა ევროკავშირის ქბრბ გამოცდილების ცენტრების ექსპერტი ცენტრალური აზიის რეგიონში, პროფესორი ლელა ბაქანიძე. ღონისძიება ცენტრალური აზიის სამდივნოს საქართველოში ვიზიტის ფარგლებში გაიმართა და მიზნად ისახავდა ქბრბ რისკების და საკითხების შესახებ ცნობიერების ამაღლებას, ევროპის საბჭოს ინიციატივის, მისი მიზნებისა და მიღწევების გაცნობას.
დაიწყო ფრთალაქიანი დროზოფილას (Drosophila suzukii) მონიტორინგის 2022 წლის სეზონი დასავლეთ საქართველოში. USAID-ის სოფლის მეურნეობის პროგრამისა და სურსათის ეროვნული სააგენტოს მიერ დაფინანსებულ კვლევაში „ახალი ინვაზიური მავნებლები ეროვნული გამოწვევა’’ ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტები აქტიურად არიან ჩართულნი 2020 წლის 27 ივნისიდან დღემდე. მონიტორინგში ყოველწლიურად ხდება სტუდენტების განახლება, რათა რაც შეიძლება მეტმა სტუდენტმა შეძლოს სამეცნიერო უნარ-ჩვევების გამომუშავება.
ბათუმის შოთა რუსთაველის სახელმწიფო უნივერსიტეტში საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით, დედამიწის საერთაშორისო დღისადმი მიძღვნილი ვორქშოპი ჩატარდა თემაზე: „გახადეთ სამყარო უფრო ბედნიერ და ჯანმრთელ საცხოვრებლად ადგილად“. ღონისძიებაზე პროფესორ-მასწავლებლებმა, ეკოლოგიისა და ბიოლოგიის სპეციალობის სტუდენტებმა, ბათუმის მე-16 საჯარო სკოლის მოსწავლეებმა და მასწავლებლებმა მოხსენებები წარმოადგინეს აქტუალურ საკითხებზე.
4-8 აპრილს, თბილისის სახელმწიფო სამედიცინო უნივერსიტეტის აკადემიური განვითარების და სტრატეგიული დაგეგმვის დეპარტამენტში ტრენინგი „ობიექტურად სტრუქტურირებული კლინიკური გამოცდა (OSCE) - ჩატარების და შეფასების მეთოდოლოგია” ჩატარდა. ტრენინგში მონაწილეობა მიიღო ბსუ-ს საბუნებისმეტყველო მეცნიერებათა და ჯანდაცვის ფაკულტეტის სტომატოლოგიის და დიპლომირებული მედიკოსის ერთსაფეხურიანი საგანმანათლებლო პროგრამის განხორციელებაში ჩართულმა პერსონალმა. სწავლება ინტერაქტიური ფორმით წარიმართა და მსმენელები აქტიურად მონაწილეობდნენ ყოველდღიურ დისკუსიებში. ტრენინგის დასასრულს მონაწილეებს გადაეცათ სერტიფიკატები.
