ბათუმის კერძო სკოლას „თაობა XXI“-ის მოსწავლეებისათვის ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის პროფესორ-მასწავლებლებმა სასწავლო-შემეცნებითი ღონისძიება ჩაატარეს. ასოცირებულმა პროფესორმა იზოლდა ჯაბნიძემ ლექცია წაიკითხა თემაზე: „მთვარე - დედამიწის ერთადერთი ბუნებრივი თანამგზავრი“ და ისაუბრა მთვარეზე არსებულ ბუნებრივ პირობებზე. მომხსენებელმა მოსწავლეებს ასევე აუხსნა, თუ რა როლი შეასრულა მთვარემ დედამიწაზე სიცოცხლის ევოლუციის პროცესში, რა გავლენას ახდენს ის დღეს და როგორ იყენებენ ამ ზეგავლენას ადამიანები ყოფა-ცხოვრებასა თუ ტექნიკაში. სრულმა პროფესორმა ნუგზარ ღომიძემ მოსწავლეებს რამდენიმე ხელსაწყოს მოქმედების პრინციპი გააცნო და სახალისო ცდები ჩაატარა.

ქუთაისსა და თბილისში გამართულ პროგრამირებაში მსოფლიო ჩემპიონატის შესარჩევ ეტაპში საქართველოს რეგიონისათვის ბათუმის შოთა რუსთაველის სახელმწიფო უნივერსიტეტმა მიიღო მონაწილეობა. ფიზიკა-მათემატიკისა და კომპიუტერულ მეცნიერებათა ფაკულტეტის სტუდენტებისაგან დაკომპლექტებული 5 გუნდიდან შემდეგ ეტაპზე ორი გუნდი გადავიდა. ჩემპიონატის ნახევარფინალი 2-3 დეკემბერს თბილისში, ევროპულ უნივერსიტეტში გაიმართება.

ბათუმის შოთა რუსთაველის სახელმწიფო უნივერსიტეტმა წარმატებულად იასპარეზა ცნობილი ქართველი მათემატიკოსის, თბილისი სახელმწიფო უნივერსიტეტისა და ნოვოსიბირსკის სახელმწიფო უნივერსიტეტების რექტორის ილია ვეკუას ხსოვნისადმი მიძღვნილ საერთაშორისო შეჯიბრებაში პროგრამირებაში. ბსუ-ს ფიზიკა-მათემატიკისა და კომპიუტერულ მეცნიერებათა ფაკულტეტის სტუდენტები გუნდურ შეჯიბრში ორი გუნდით იყვნენ წარდგენილი, რომლის ერთერთმა წევრმა გოჩა ხოზრევანიძემ პირად პირველობაში სპეციალური დიპლომი აიღო. თბილისში, 28-29 ოქტომბერს გამართულ პირველობაში მონაწილეობა საქართველოს, სომხეთის, აზერბაიჯანის, უკრაინისა და რუსეთის უმაღლესი საგანმანათლებლო დაწესებულებების 100-მდე გუნდმა მიიღო.

ბათუმის შოთა რუსთაველის სახელმწიფო უნივერსიტეტის ფიზიკა-მატემატიკისა და კომპიუტერულ მეცნიერებათა ფაკულტეტის სტუდენტებმა მონაწილეობა მიიღეს თბილისში, სასტუმრო „რედისონ ბლუ ივერიაში“ გამართულ კიბეროლიმპიადაში „კიბერკუბი 2017“. ოლიმპიადა მიზნად ისახავდა კიბერუსაფრთხოების სფეროს განვითარების ხელშეწყობას, ცნობიერების ამაღლებას, პოპულარიზაციასა და ნიჭიერი ახალგაზრდების გამოვლენას. ღონისძიება მონაცემთა გაცვლის სააგენტოსა და იუსტიცის სამინისტროს მხარდაჭერით გაიმართა.

ბათუმის შოთ რუსთველის სახელმწიფო უნივერსიტეტის რექტორი მერაბ ხალვაში ხარსიხის უზრუნველყოფის სამსახურის უფროსი ანზორ ბერიძე და ფიზიკა-მათემატიკისა და კომპიუტერულ მეცნიერებათა ფაკულტეტის დეკანი გულადი ფარტენაძე პირველკურსელებს. რექტორმა სტუდენტებს სწავლის დაწყება მიულოცა, ფაკულტეტის ძირითადი პრიორიტეტები და საუნივერსიტეტო ცხოვრება გააცნო. შეხვედრის დასასრულს, პირველკულრსელებს საჩუქრად სამახსოვრო საჩუქრები გადასცეს.