ბათუმის შოთა რუსთველის სახელმწიფო უნივერსიტეტის ინოვაციების ცენტრში ტექნოლოგიურ ფაკულტეტის ორგანიზებით ინოვაციური ბიზნესიდეების კონკურსი ჩატარდა. კონკურსში მონაწილეობდნენ მშენებლობის საგანმანათლებლო პროგრამის მეორე კურსის სტუდენტები. მშენებლობის ინოვაციური ბიზნესიდეები პრეზენტაციების სახით რვა გუნდმა წარმოადგინა. თითოეული გუნდი სამი სტუდენტისგან შედგებოდა. ჟიურის გადაწყვეტილებით, საუკეთესოდ გივი ფუტკარაძის, საბა სელიმბასა და გიორგი ქართველიშვილის პროექტი „ინოვაციური სამშენებლო დრონი“ დასახელდა.

ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტის არქიტექტურის მიმართულების სტუდენტების ნაშრომების გამოფენა გაიმართა. II და III კურსის სტუდენტებმა გააკეთეს საანგარიშო გამოფენა სასწავლო კურსებში: არქიტექტურის დაგეგმარების საფუძვლები და არქიტექტურული მოცულობითი გეგმარება. საგამოფენო საკურსო ნაშრომები წარმოდგენილი იყო ტექნოლოგიური ფაკულტეტის ფოიეში, მეორე სართულზე. გამოფენას დაესწრნენ პროფესორ-მასწავლებლები და მოწვეული სტუმრები.

ბათუმის შოთა რუსთაველის სახელმწიფო უნივერსიტეტში II საერთაშორისო სამეცნიერო კონფერენცია „ბიოპოლიმერები, ქიმიური და ტექნოლოგიური ასპექტები“ ტარდება. კონფერენციის მიზანია კვლევის შედეგების წარმოდგენა ბიოპოლიმერების სინთეზისა და გამოყენების მნიშვნელოვან საკვანძო საკითხებზე, ადგილობრივი და საერთაშორისო კვლევების გაცვლა და თანამშრომლობა. სესია ხელს შეუწყობს ადგილობრივი კვლევების საერთაშორისო ინტეგრაციას, ახალგაზრდა მეცნიერთა სამეცნიერო პოტენციალის გამოყენებას საერთაშორისო კვლევებში და ქართველი და უცხოელი მეცნიერების ინოვაციური სამეცნიერო კვლევების ეფექტურად განხორციელებას.

ტექნოლოგიური ფაკულტეტის არქიტექტურის საგანმანათლებლო პროგრამის სტუდენტებისათვის სასწავლო პრაქტიკა სახვითი ხელოვნებაში მოეწყო ბათუმის ერას მოედანზე. სამუშაო თემატიკა იყო მოედნის ირგვლივ არსებული ისტორიული შენობების, კულტურული მემკვიდრეობის ძეგლების გუმბათების, სახურავების, აივნების, ერკერების და ფასადების ჩანახატების გაკეთება. ღია პრაქტიკას სასწავლო კურსის სახვითი ხელოვნების ლექტორთან, მხატვარ მაია ჭყონიასთან ერთად ესწრებოდნენ უნივერსიტეტისა და ფაკულტეტის ადმინისტრაციის წარმომადგენლები.

ბათუმის შოთა რუსთაველის სახელმწიფო უნივერსიტეტის ტექნოლოგიურმა ფაკულტეტმა „ღია კარის დღეების“ პროექტის ფარგლებში, ბათუმის N4 საჯარო სკოლის მოსწავლეებს უმასპინძლა. ინოვაციების ცენტრში პროფესორმა გიზო ფარცხალაძემ მოსწავლეებს ლექცია ჩაუტარა თემაზე: „კატასტროფების რისკის მართვა“. პროფესორებმა გოჩა ჩავლეშვილმა, ენვერ ხალვაშმა, ზურაბ მეგრელიშვილმა მოსწავლეებს წარმოუდგინენ ფაკულტეტის საგანმანათლებლო პროგრამები. მოსწავლეებმა, ასევე დაათვალიერეს ფაკულტეტის ლაბორატორიები და მატერიალურ-ტექნიკური ბაზა.