ტურიზმისა ფაკულტეტის და უკრაინის სავაჭრო-სამრეწველო პალატის ტურიზმის კომიტეტის ორგანიზებით გაიმართა ონლაინ კონფერენცია თემაზე: „ტურიზმის განათლების გამოწვევები პოსტკოვიდურ პერიოდში“. სესიაში მონაწილეობდნენ კიევის ეროვნული ეკონომიკური უნივერსიტეტის ტურიზმის კათედრის პროფესორები, უკრაინის სასტუმროთა ასოციაციის წარმომადგენლები, აჭარის ტურიზმისა და კურორტების დეპარტამენტის თანამშრომლები, ქუთაისის აკაკი წერეთლის სახელმწიფო უნივერსიტეტის და საქართველოს ეროვნული უნივერსიტეტის (სეუ) ტურიზმის მიმართულების პროგრამის ხელმძღვანელები.

სასტუმროს საერთაშორისო ბაზრების, გლობალური ტურიზმისა და სასტუმროს მეგატრენდების თემებზე ტურიზმის ფაკულტეტის საბაკალავრო და სამაგისტრო პროგრამის სტუდენტებს ონლაინ ლექცია ჩაუტარდა. მასტერკლასი შვერინისა და ბერლინის გამოყენებით მეცნიერებათა უნივერსიტეტის პროფესორმა, „Solutions Holding GmbH“-ის აღმასრულებელმა დირექტორმა და ბსუ-ს საპატიო დოქტორმა შტეფან გერჰარმა ჩაატარა. პროფესორი შტეფან გერჰარდი წლების განმავლობაში თანამშრომლობს ტურიზმის ფაკულტეტთან და მნიშვნელოვანი წვლილი შეაქვს ტურიზმის მიმართულებით საგანმანათლებლო და სამეცნიერო-კვლევითი პროგრამების განხორციელებაში.

ბსუ-ს ტურიზმის ფაკულტეტის ადმინისტრაციამ ბაკალავრიატისა და მაგისტრატურის სტუდენტებთან საინფორმაციო ხასიათის ონლაინ შეხვედრა ჩაატარა. ადმინისტრაციის წარმომადგენლებმა შეხვედრაზე განიხილეს მიმდინარე სემესტრის ონლაინ სასწავლო პროცესთან დაკავშირებული საკითხები, ასევე სტუდენტებს მიაწოდეს ინფორმაცია შუალედური გამოცდების ჩატარების, სტიპენდიებისა და ადმინისტრაციული საკითხების შესახებ.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანი როსტომ ბერიძე და პროფესორ-მასწავლებლები პირველკურსელებს zoom-ის ონლაინ პლატფორმის საშუალებით შეხვდნენ, სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, ელექტრონული სერვისებსა და ონლაინ სწავლების სისტემას გაეცნენ.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტისა და გაეროს მსოფლიო ტურიზმის ორგანიზაციის (UNWTO) თანამშრომლობის ფარგლებში ჩატარდა სამუშაო შეხვედრა ტურიზმის განათლების გამოწვევებისა და განვითარების შესაძლებლობების საკითხებზე. ღონისძიებაში მონაწილეობდნენ ტურიზმის ფაკულტეტის პროფესორ-მასწავლებლები და მსოფლიო ტურიზმის ორგანიზაციის ევროპის რეგიონული დეპარტამენტის დირექტორი ალესანდრა პრიანტე. ტურიზმის ფაკულტეტს შესაძლებლობა ექნება ისარგებლოს მსოფლიო ტურიზმის ორგანიზაციის აკადემიის სასწავლო რესურსებით და გამოიყენოს ონლაინ ტრენინგის პლატფორმა.