შეხვედრისას ოსტრავას უნივერსიტეტის რექტორმა პიოტრ კოპეჩკიმ, რექტორის მოადგილემ, საგარეო ურთიერთობების მიმართულებით რენატა ტომაშკოვამ და მეორე მხრივ ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის დირექტორმა როინ მალაყმაძემ და ამავე ინსტიტუტის მეცნიერ-თანაშრომელმა სულხან მამულაძემ განიხილეს სამომავლო თანამშრომლობის პერსპექტივები. მიღწეულ იქნა შეთანხმება, რომელიც მოიცავს როგორც საგანმანათლებლო, ისე სამეცნიერო მიმართულებით მჭიდრო თანამშრომლობას. ურთიერთთანამშრომლობის ფარგლებში მიმდინარე წელს დაიგეგმა ერთობლივი საერთაშორისო სამეცნიერო ღონისძიებისა და სეზონური სკოლის ორგანიზება.

ბათუმის შოთ რუსთაველის სახელმწიფო უნივერსიტეტის ნიკო ბერძენიშვილის ინსტიტუტში სამუშაო შეხვედრა გაიმართა პოლ ვალერის უნივერსიტეტის მონპელიე III-ის მკვლევარ ფაბიო შეტიმთან. შეხვედრაზე მკვლევრებმა იმსჯელეს საფრთხეში მყოფი ენების ლექსიკოგრაფიასა და მიგრაციათა სოციოლინგვისტიკაზე და დაიგეგმა სამომავლო თანამშრომლობის პერსპექტივები. პოლ ვალერის უნივერსიტეტის მონპელიე III-ის მკვლევარი ფაბიო შეტიმი ბსუ-ში „ერაზმუს+“-ის პროექტის ფარგლებში იმყოფება.

ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის განყოფილების მთავარმა მეცნიერმა-თანამშრომელმა ნაილე მიქელაძემ 22-ე საჯარო სკოლაში ჩაატარა სემინარი თემაზე: „ბედი ქართლისა“. სემინარის ფარგლებში მომხსენებელმა მოსწავლეებს გააცნო საკითხის ირგვლივ არსებული ფაქტობრივი მასალა და ისტორიოგრაფიული წყაროები. სემინარის ფარგლებში გაიმართა გაიმართა დისკუსია, რომლის დროსაც მოსწავლეებმა გამოთქვეს საკუთარი მოსაზრებები. სემინარს ესწრებოდნენ ნიკო ბერძენიშვილის ინსტიტუტის მეცნიერ-თანამშრომლები.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ასისტენტ-პროფესორმა დიანა ახვლედიანმა და ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა, დოქტორმა ნარგიზ ახვლედიანმა მონაწილეობა მიიღეს იტალიაში, ვენეციის კა`ფოსკარის უნივერსიტეტში გამართულ საერთაშორისო კონფერენციაში. ქართველმა მკვლევრებმა კონფერენციაზე მოხსენება წარადგინეს თემაზე: „ტოპონიმია და მისი სწავლების პერსპექტივები ".

ბსუ-ს ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა ნარგიზ ახვლედიანმა მონაწილეობა მიიღო პროფესორ ფარნაოზ ერთელიშვილის დაბადებიდან 100 წლისადმი მიძღვნილ სამეცნიერო სესიაში. მკვლევრმა კონფერენციაზე მოხსენება წარადგინა თემაზე: „ჰიდრონიმ „კინკიშას" ეტიმოლოგიისათვის“. სამეცნიერო სესია ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ენის სასწავლო-სამეცნიერო ინსტიტუტისა და ამავე ინსტიტუტთან არსებული ქართველური ონომასტიკის სამეცნიერო-კვლევითი ცენტრის ორგანიზებით გაიმართა.