2019 წლის 26-28 სექტემბერს ბულგარეთში, ქალაქ სოზოპოლში გაიმართება მე-19 სამეცნიერო კონფერენცია თემაზე: „ტექნოლოგია, კულტურა და საერთაშორისო სტაბილურობა“. კონფერენციის მიზანია ახალი კვლევების წარმოდგენა, იდეებისა და გამოცდილების გაზიარება. სესიაში მონაწილეობას მიიღებენ მეცნიერები მსოფლიოს სხვადასხვა ქვეყნიდან. დაწვრილებითი ინფორმაცია იხილეთ დანართში.

ბათუმის შოთა რუსთაველის სახელმწიფო უნივერსიტეტს „ერაზმუს+-ის“ აკადემიური პერსონალის გაცვლითი პროგრამის ფარგლებში რუსეს ანგელ კანჩევის უნივერსიტეტის (ბულგარეთი) და ალკალას უნივერსიტეტის (ესპანეთი) პროფესორები ეწვივნენ. ვიზიტის ფარგლებში, ბულგარელმა პროფესორებმა დიანა ჟელეზოვა-მინდიზოვამ და ცვეტელინა ჰარაკჩისკამ სამუშაო შეხვედრები გამართეს ჰუმანიტარულ მეცნიერებათა ფაკულტეტის ევროპეისტიკის დეპარტამენტის თანამშრომლებთან და ერთი კვირის განმავლობაში ლექციები წაიკითხეს ინგლისური ფილოლოგიის სპეციალობის სტუდენტებისათვის.

ბსუ-ს საზოგადოებრივ და პოლიტიკურ მეცნიერებათა დეპარტამენტის ასოცირებულმა პროფესორმა ლაშა ბაჟუნაიშვილმა 4-13 აპრილს ერასმუს +-ის პროგრამის ფარგლებში ზალცბურგის უნივერსიტეტის მიერ ორგანიზებულ და ევროპის სამეზობლო პოლიტიკის საკითხებისადმი მიძღვნილ საერთაშორისო კონფერენციასა და ექსპერტთა სემინარის მუშაობაში მიიღო მონაწილეობა. მკვლევარმა კონფერენციაზე წარაგენა მოხსენება თემაზე: „Limitrophes” as Cause of Contested Neighborhood“. პროექტის ფარგლებში ასევე ჩატარდა ტრენინგები უმაღლეს საგანმანათლებლო დაწესებულებებში სოციალურ და პოლიტიკურ მეცნიერებებში (ევროპისმცოდნეობის და საერთაშორისო ურთიერთობებში) კვლევაზე დაფუძნებული სწავლების დანერგვისა და წარმატებით განხორციელების შესახებ.

უკრაინის განათლებისა და მეცნიერების სამინისტრო ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებს, მეცნიერ-თანამშრომლებსა და სტუდენტებს იწვევს საერთაშორისო ინტერნეტ-კონფერენციაში მონაწილეობის მისაღებად. კონფერენცია „მეცნიერებისა და განათლების განვითარების ტენდენციები და პერსპექტივები გლობალიზაციის პირობებში“ ჩატარდება 2019 წლის 27 აპრილს. დამატებითი ინფორმაცია იხილეთ დანართში.

მიკოლას რომერის უნივერსიტეტი გიწვევთ ბაკალავრიატის და მაგისტრატურის სტუდენტებს საზაფხულო სკოლა 2019-ში მონაწილეობის მისაღებად, რომელიც გაიმართება 2019 წლის 22 ივლისიდან 8 აგვისტოს ჩათვლით. საზაფხულო სკოლის თემატიკაა: კომუნიკაცია, კულტურა, ეროვნული მემკვიდრეობა და დაცვა. რეგისტრაციის ბოლო ვადაა 10 ივნისი, 2019.

უნივერსიტეტი Paris-Saclay-ი 2019-2020 აკადემიური წლისათვის თავაზობს 120 სტიპენდიას მაღალი აკადემიური მოსწრების უცხოელ სტუდენტებს, რომლებიც ამავე უნივერსიტეტის სამაგისტრო პროგრამაზე ჩაირიცხებიან.Paris-Saclay-ი 14 უმაღლეს საგანმანათლებლო დაწესებულებას აერთიანებს და სასწავლო პროგრამების, კვლევებისა და ინოვაციების ძირითადი ცენტრია ევროპაში.

1-5 აპრილს ერაზმუს+-ის ადმინისტრაციული პერსონალის გაცვლითი პროგრამის ფარგლებში საფრანგეთში, ნორმანდიის რუანის უნივერსიტეტში იმყოფებოდნენ ბსუ-ს საგარეო ურთიერთობათა და სტრატეგიული განვითარების დეპარტამენტის უფროსის მოადგილე, ერაზმუს+-ის გაცვლითი პროგრამების კოორდინატორი ნანა ყურშუბაძე და სამეცნიერო კვლევების სამსახურის უფროსი თამარ მაჭუტაძე. შეხვედრები შედგა რუანის უნივერსიტეტის საგარეო ურთიერთობათა დეპარტამენტის ხელმძღვანელთან ანა დანდევილთან, პროექტებისა და საერთაშორისო თანამშრომლობის მენეჯერებთან, სამეცნიერო კვლევების სამსახურის უფროსთან ფილიპ მუგეროსთან, სადოქტორო სკოლის, დისტანციური სწავლების, ევროპისა და საერთაშორისო კვლევების პროგრამებისა და კვლევების დადასტურების ხელმძღვანელებთან.

2019 წლის 11-12 ოქტომბერს ცენოვის ეკონომიკის აკადემიის (ბულგარეთი) ტურიზმის ეკონომიკისა და მენეჯმენტის დეპარტამენტის ორგანიზებით ჩატარდება საერთაშორისო სამეცნიერო და პრაქტიკული კონფერენცია თემაზე: “TOURISM IN THE NEW MILLENNIUM – STATE AND PROSPECTS”. კონფერენციაში მონაწილეობისათვის რეგისტრაციის ბოლო დღე: 01/07/2019, სტატიის გაგზავნის ბოლო დღე - 01/09/2019.