ბსუ-ს ეკონომიკისა და ბიზნესის ფაკულტეტის სტუდენტებს შპს „საქაერონავიგაციის” წარმომადგენლები შეხვდნენ. საინფორმაციო შეხვედრაზე კომპანიის თანამშრომლებმა სტუდენტებს საქაერონავიგაციის ვაკანსიები და კარიერულ შესაძლებლობები გააცნეს. ახალგარზდებმა ასევე მიიღეს ინფორმაცია სტაჟირებისა და ესპანეთში 6 თვიანი სწავლების შესახებ. შეხვედრა კითხვა პასუხის რეჟიმში გაგრძელდა. შეხვედრას სტუდენტთა კარიერული განვითარების კულტურისა და სპორტის დეპარტამენტის ხელმძღვანელი ლევან ტარიელაძე, ეკონომიკისა და ბიზნესის ფაკულტეტის დეკანი ნათია წიკლაშვილი და დეკანის მოადგილე რამინ ცინარიძე ესწრებოდნენ.

სატრანსპორტო კომპანიის „Marine Shipping & Forwarding“ წარმომადგენლები ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებს შეხვდნენ. კომპანიის გენერალურმა დირექტორმა ჯონდარი კემულარიამ და ფოთის ოფისის ხელმძღვანელმა ადა ქაქუთიამ ახალგაზრდებს გააცნეს ინფორმაცია კომპანიის სამთვიანი ანაზღაურებადი სტაჟირების, ინსტრუქტაჟის, დასაქმების, პროფესიული პრაქტიკის, ვაკანსიებისა და კარიერული განვითარების შესაძლებლობების შესახებ.

ბათუმის ტექნოპარკში გამართულ USAID პროგრამის „ერთიანობა მრავალფეროვნებაშია“ შეხვედრაში მონაწილეობა მიიღეს ბსუ-ს ეკონომიკისა და ბიზნესის ფაკულტეტის ბიზნესის ადმინისტრირების III კურსის სტუდენტებმა. სპიკერებმა ახალგაზრდებს გაუზიარეს გამოცდილება საქართველოში ტექნოლოგიებისა და მეწარმეობის მიმართულებით არსებულ შესაძლებლობებზე. ღონისძიების ფარგლებში პროფესორმა ნანა დიხამიჯიამ ჩაატარა შეხვედრა თემაზე: „რატომ გვჭირდება ტექნოლოგიები ყველა პროფესიაში?!“, ილიას სახელმწიფო უნივერსიტეტის ტექნოლოგიებისა და ინოვაციების ცენტრის ხელმძღვანელმა ავთანდილ მღებრიშვილმა ვორკშოპი გამართა თემაზე: „AI პლათფორმის გამოყენება, მათი შედარება და გამოყენება სამუშაო პროცესში“.

ბათუმის შოთა რუსთაველის სახელმწიფო უნივერსიტეტში ბსუ-ს ეკონომიკისა და ბიზნესის ფაკულტეტის დოქტორანტების, ნესტან ვარშანიძისა და და გიორგი აბაშიძის წიგნების „ლურჯი ეკონომიკა“ და „ციფრული ეკონომიკა“ პრეზენტაცია გაიმართა. ნაშრომები მომზადებულია შოთა რუსთაველის ეროვნული სამეცნიერო ფონდის გრანტის ფარგლებში. „ლურჯი ეკონომიკა“ ლურჯი ეკონომიკის კონცეფციასა და პრინციპებს. მასში განხილულია შავი ზღვის აუზის ქვეყნების თევზისა და ზღვის პროდუქტების ბაზრები, აღწერილია საქართველოს, კერძოდ, აჭარის რეგიონის ზღვის პროდუქტების ბაზარი და დახასიათებულია აკვაკულტურული მეურნეობები. ნაშრომში გამოყენებულია სხვადასხვა ორგანიზაციის კვლევები, ევროკავშირის, მსოფლიო ბანკისა და გაეროს სურსათისა და სოფლის მეურნეობის ორგანიზაციის მიერ გამოქვეყნებული ანგარიშები, სტატიები, სამოქმედო გეგმები.

ბათუმის შოთა რუსთაველის სახელმწიფო უნივერსიტეტის დელეგაცია ბსუ-ს ადმინისტრაციის ხელმძღვანელის, მერაბ დიასამიძის, ეკონომიკის ფაკულტეტის დეკანის, პროფესორ ნათია წიკლაშვილის, ასოცირებულ პროფესორ ნატო ჯაბნიძისა და ასისტენტ პროფესორ გიორგი ქათამაძის შემადგენლობით 28 ნოემბრიდან 2 დეკემბრამდე პოლონეთში, ქალაქ ვროცლავის ეკონომიკისა და ბიზნესის უნივერსიტეტში იმყოფებოდა. ვიზიტის ფარგლებში, შეხვედრები შედგა უნივერსიტეტის რექტორთან, პროფესორ ანდჟერ კალეტასთან, სიმულაციის ცენტრის დირექტორ კრზისზტოფ ნოვოსიელსკთან, ვროცლავის ეკონომიკისა და ბიზნეს სკოლის ბიზნესთან თანამშრომლობის ცენტრის დირექტორ ალაა ვიტვიცკა-დუდეკსა და ქვემო სილეზიის მარშალის ოფისის საერთაშორისო თანამშრომლობის განყოფილების დირექტორთან, კრზისზტოფ ხოდუნთან. შეხვედრებზე დაიგეგმა ინოვაციური პროექტების განხორციელება, რომლებიც საგანმანათლებლო სექტორის გარდა, ხელს შეუწყობს ბიზნესის მიმართულების განვითარებას.