ღია მმართველობის პარტნიორობა (Open Governement Partnership) ეროვნულმა კოორდინატორებმა იუსტიციის სამინისტროსთან ერთად ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის სტუდენტებთან კონსულტაციები გამართეს. კონსულტაციების მიზანი საჯარო მმართველობის ეფექტიანობის გაზრდის მიზნით შემუშავებული სამოქმედო გეგმის სტუდენტებისათვის გაცნობა და რეკომენდაციების მიღება იყო. ჯგუფური მუშაობის პრინციპით, სტუდენტებმა წარმოადგინეს საკუთარი ხედვა და იდეები საჯარო მმართველობის პროცესში.

იურიდიული ფაკულტეტის დეკანი ადამ მახარაძე, რექტორის მოადგილეები ინგა შამილიშვილი და ნათია წიკლაშვილი ოფიციალური ვიზიტით უკრაინაში, ივანო-ფრანკოვსკის მეფე დანილო გალიცკის სახელობის სამართლის უნივერსიტეტში გამართულ საერთაშორისო სიმპოზიუმს დაესწრნენ, რომელიც უკანონო მიგრაციისა და ადამინებით ვაჭრობის (ტრეფიკინგის) პრობლემებს მიეძღვნა. პროფესორმა ადამ მახარაძემ მოხსენება წაიკითხა თემაზე: „სისხლისამართლებრივი პასუხისმგებლობა ტრეფიკინგისათვის ქართული კანონმდებლობაში“.

2016 წლის 7 მარტს ბათუმის შოთა რუსთველის სახელმწიფო უნივერსიტეტის იურიდიული ფაკულტეტის სტუდენტები საიას (საქართველოს ახალგაზრდა იურისტთა ასოციაცია) აჭარის ფილიალის წარმომადგენლებს შეხვდნენ. შეხვედრის მიზანი სტაჟირებისა და ალტერნატიული განათლების საკითხების სტუდენტებისათვის მიწოდება და გაცნობა იყო. შეხვედრაზევე განიხილეს ის სასწავლო და საგანმანათლებლო პროექტები, რომელთა განხორციელებაც წლის განმავლობაშია დაგეგმილი საიას აჭარის ფილიალსა და ბსუ-ს შორის გაფორმებული ურთიერთთანამშრომლობის მემორანდუმის ფარგლებში.

იურიდიული ფაკულტეტის პირველი კურსის სტუდენტები ნათია ნაკაშიძე და რუსუდან ლორთქიფანიძე უნივერსიტეტის სტუდენტურ-ფოლკლორულ ანსამბლ „თირინთან" ერთად, ბელორუსიის რესპუბლიკის ქალაქ ბრესტში გამართულ საერთაშორისო საშობაო ფესტივალის გრანპრის მფლობელები გახდნენ.

ბათუმის შოთა რუსთაველის სახელმწიფო უნივერსიტეტის იურიდიულ ფაკულტეტს, ორმხრივი მემორანდუმის ფარგლებში, ყაზახეთის სახელმწიფოდან, ასტანის იურიდიული უნივერსიტეტის სამართლის მაგისტრატურის სტუდენტთა 7 კაციანი ჯგუფი სტუმრობდა. ყაზახი სტუდენტები ერთი კვირის განმავლობაში ბათუმის შოთა რუსთაველის სახელმწიფო უნივერსიტეტის სწავლების მეთოდებსა და ქართული სამართლის აქტუალურ საკითხებზე წაკითხულ ლექციებს ეცნობოდნენ. აგრეთვე, მათ კონსულტაციები გაეწიათ სამაგისტრო ნაშრომების კვლევა-ძიების შედარებით სამართლებრივ ანალიზსა და ქართული სამართლის განვითარების ამჟამინდელ ტენდენციებზე.