ბათუმის შოთა რუსთაველის სახელმწიფო უნივერსიტეტს უკრაინის მეცნიერებათა აკადემიის კიევის სამართლის უნივერსიტეტის რექტორი იური ბოშიცკი ეწვია. ვიზიტის ფარგლებში ბოშიცკიმ შეხვედრები გამართა ბსუ-ს  რექტორთან მერაბ ხალვაშთან, იურიდიული ფაკულტეტის დეკანთან  ადამ მახარაძესა და აჭარის ა/რ განათლების, კულტურისა და სპორტის მინისტრთან ინგა შამილიშვილთან. შეხვედრაზე განხილული იქნა მომავალი თანამშრომლობის საკითხები. კერძოდ, საერთაშორისო სამეცნიერო კონფერენციის, სტუდენტთა და ლექტორ- მასწავლებელთა გაცვლის, საზაფხულო სკოლის ჩატარების, ერთობლივი სამეცნიერო კვლევების განხორციელების და თანამშრომლობისათვის სხვა საინტერესო საკითხები.