ბათუმის შოთა რუსთველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტებისათვის ფსიქოთერაპევტმა, ფსიქოლოგმა, საბერძნეთის ბიოსინთეზის ინსტიტუტის დირექტორმა, პროფესორმა ლილი ანაგნოსტოპულუმ საჯარო ლექცია წაიკითხა თემაზე: „საკუთარი თავის რეგულაცია“. ტრენერმა ახალგაზრდებს დარგში არსებული სიახლეები გააცნო და აქტუალურ პრობლემებთან ერთად, მათი გადაჭრის გზებზე ისაუბრა.
ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტებისათვის აშშ-ს პიცბურგის უნივერსიტეტის პროფესორმა ვასილ რუხაძემ საჯარო ლექცია - „საქართველო და პოლიტიკური პროცესები“ წაიკითხა. ჯეიმსტაუნის ფონდის ექსპერტმა ახალგაზრდებს საქართველოს პოლიტიკური განვითარების დინამიკა და დემოგრაფიული სურათის სტატისტიკა გააცნო გეოპოლიტიკურ ჭრილში. მომხსენებელმა ასევე ისაუბრა სოფლის მეურნეობის განვითარების სუბსიდირების აუცილებლობაზე, ტურიზმის ინდუსტრიის როლზე პოლიტიკაში და განიხილა პოლიტიკური ელიტა, კლანიზმი.
საქართველოს პარლამენტის ფრაქციის “ქართული ოცნება - სოციალ-დემოკრატების“ თავმჯდომარემ, თსუ-ს პროფესორმა გია ჟორჟოლიანმა ბათუმის შოთა რუსთაველის სახელმწიფო უნივერსიტეტის სტუდენტებისათვის საჯარო ლექცია წაიკითხა თემაზე: „თანამედროვე საქართველოს განვითარების პერსპექტივები“. პარლამენტარმა ახალგაზრდებს ქვეყნის ეკონომიკური განვითარების პერსპექტივები და მათი გამოყენების შესაძლებლობები გააცნო. პროფესორმა გია ჟორჟოლიანმა საუბრისას ყურადღება გაამახვილა ასევე დემოკრატიულ ღირებულებებსა და ადამიანის უფლებათა დაცვის საკითხებზე.
ფსიქოლოგმა ირინა სოლოვიოვამ ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტებისათვის საჯარო ლექცია თემაზე: „ვინ ვართ ჩვენ სინამდვილეში? სხეულის არაცნობიერი ხატი“. მომხსენებელმა ახალგაზრდებს ისეთი მნიშვნელოვანი საკითხები გააცნო, როგორიცაა: სხეულთან დაკავშირებით თანამედროვე საზოგადოების პარადოქსული დამოკიდებულება, პიროვნების სტრუქტურაში სხეულის მე-ს ხატის ადგილი და მე-ს ხატის ტიპების, სხეულის ხატის დამახინჯების მიზეზები და შედეგები. ფსიქოლოგმა ირინა სოლოვიოვამ ასევე ისაუბრა სხეულის არაცნობიერი აღქმის დიაგნოსტიკის შესაძლებლობებსა და სხეულის არაცნობიერი ხატის კორექციის მეთოდებზე.
„პიროვნების ნაწილებად დაყოფის მცდელობა ფსიქოთერაპიის სხვადასხვა სკოლაში და ამ ნაწილების თეორიული და პრაქტიკული ასპექტები“ თემაზე ბათუმის სახელმწიფო უნივერსიტეტში საჯარო ლექცია გაიმართა. საქართველოს ფსიქოთერაპიისა და პიროვნული ზრდის ცენტრი „სტიმულის“ ხელმძღვანელებმა, ფსიქოთერაპევტებმა ნინო ვერხვიაშვილმა და დიანა ნიკოლაიშვილმა ბსუ-ს სოციალურ და პოლიტიკურ მეცნიერებათა ფაკულტეტის ფსიქოლოგიის საგანმანათლებლო პროგრამის სტუდენტებსა და პროფესორ-მასწავლებლებს ფსიქოთერაპიის სხვადასხვა მიმდინარეობების აქტუალური საკითხები გააცნეს.
