ხელვაჩაურის რაიონის სხვადასხვა სკოლის მოსწავლეები ფაბლაბ ბსუ-ს ეწვივნენ და ლაბორატორიის მუშაობას და თანამედროვე ტექნოლოგიებს გაეცნენ. ახალგაზრდებმა ლაზერულ მჭრელებზე და 3D პრინტერებზე მუშაობის შესახებ ინფორმაცია უშუალოდ, ფაბ ლაბის მენეჯერებისგან მიიღეს და ნამუშევრები დაათვალიერეს.

ფაბლაბის წარმომადგენლებმა მოსწავლეებს სიმბოლური საჩუქრები უსახსოვრეს.

ერთი დღე ფაბლაბში აჭარის ა/რ სპორტისა და ახალგაზრდობის საქმეთა დეპარტამენტის ღონისძიების „ახალგაზრდობის კლუბების მხარდაჭერის" ფარგლებში "ხელოვანთა კლუბმა " გამართა.