„სამაგისტრო პროგრამები საფრანგეთში 2017-2018“ პრეზენტაცია
დღეს, ბათუმის შოთა რუსთაველის სახელმწიფო უნივერსიტეტში განათლების საერთაშორისო ცენტრმა ფრანგულ ინსტიტუტთან ერთად, სასტიპენდიო პროგრამების „სამაგისტრო პროგრამები საფრანგეთში 2017-2018’’ პრეზენტაცია გამართა.
შეხვედრის ფარგლებში, საფრანგეთში სწავლის გაგრძელების მსურველმა სტუდენტებმა დაწვრილებითი ინფორმაცია მიიღეს საგრანტო კონკურსის პირობებსა და პროცედურებზე. განათლების საერთაშორისო ცენტრის სასტიპენდიო პროგრამა „სამაგისტრო პროგრამები საფრანგეთში 2017-2018“ - ის კონკურსის ფარგლებში გამარჯვებულ საქართველოს 15 მოქალაქეს სწავლას საფრანგეთში, განათლების საერთაშორისო ცენტრი, საფრანგეთის საელჩო საქართველოში და კამპუსს ფრანსი ფინანსურად ერთობლივად უზრუნველყოფენ.
