ახალი ამბები
21.03.2023

დაუნის სინდრომის საერთაშორისო დღე ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნა. ბსუ-ს სტუდენტთა სამეცნიერო საზოგადოებისა და ზუსტ მეცნიერებათა და განათლების ფაკულტეტის ბავშვთა უფლებების ცოდნის ცენტრის ორგანიზებით და სტუდენტთა კარიერული განვითარების, კულტურისა და სპორტის დეპარტამენტის საინფორმაციო და შემეცნებითი ღონისძიებები გაიმართა. ბსუ-ს საბუნებისმეტყველო მეცნიერებათა და ჯანდაცვის ფაკულტეტის პროფესორ-მასწავლებლებმა და სტუდენტებმა დაუნის სინდრომის ცნობიერების ასამაღლებლად საინფორმაციო შეხვედრაზე მოხსენებები წარადგინეს დაუნის სინდრომის მიზეზებზე, ტერმინებსა და სტერეოტიპებზე. ღონისძიების ფარგლებში ბსუ-ს ბავშვთა უფლებების ცოდნის ცენტრში მცირე საოჯახო ტიპის ახალგაზრდებისა და დაბა მახინჯაურის საჯარო სკოლის სამოქალაქო განათლების კლუბ „არეტეს“ წევრების მონაწილეობით შემეცნებითი და სახალისო აქტივობები გაიმართა.