ახალი ამბები
13.11.2023

ნატო-საქართველოს ახალგაზრდული აკადემიის“ პროექტის ფარგლებში, ბრიტანეთის ელჩი საქართველოში მარკ კლეიტონი, რუმინეთის ელჩის მოადგილე სილვიუ დამიენი და ნატო-ს სამეკავშირეო ოფისის პოლიტიკის ოფიცერი გვანცა ლოლაძე ბსუ-ს სხვადასხვა საგანმანათლებლო პროგრამის სტუდენტებს შეხვდნენ და საქართველო-ნატო-ს თანამშრომლობის აქტუალურ საკითხებზე ესაუბრნენ. შეხვედრა კითხვა-პასუხის რეჟიმში წარიმართა და დიპლომატიური კორპუსის წარმომადგენლებმა ახალგაზრდების შეკითხვებს უპასუხეს.

ბათუმის შოთა რუსთაველის სახელმწიფო უნივერსიტეტს ბრიტანეთის ელჩი საქართველოში მარკ კლეიტონი და რუმინეთის ელჩის მოადგილე სილვიუ დამიენი ეწვივნენ. გაცნობითი ხასიათის შეხვედრაზე ბსუ-ს რექტორმა მერაბ ხალვაშმა დიპლომატიური კორპუსის წარმომადგენლებს საქართველოს, ბრიტანეთისა და რუმინეთის ნაყოფიერ კულტურულ-საგანმანათლებლო ურთიერთობებსა და სამომავლო თანამშრომლობის მიმართულებებზე ესაუბრა. მხარეებმა იმსჯელეს გაცვლით პროგრამებისა და ერთობლივი სამეცნიერო-საგანმანათლებლო პროექტების შემუშავების მნიშვნელობაზე.