1 ივლისს, 17:00 საათზე, ბათუმის შოთა რუსთაველის სახელმწიფო უნივერსიტეტში (სააქტო დარბაზი) ჰუმანიტარულ მეცნიერებათა ფაკულტეტის სტუდენტების მონაწილეობით ჩატარდება ლიტერატურულ-მუსიკალური კომპოზიცია „რა ლამაზი ხარ, ჩემო სამშობლოვ, ჩემო საქართველო!“. ღონისძიება „ბსუ-ს სტუდენტური დღეები 2022-ის“ ფარგლებში გაიმართება.
დასავლეთ უკრაინის ეროვნული უნივერსიტეტი ბსუ-ს სტუდენტებს იწვევს მესამე საერთაშორისო სკოლაში - „NEW WAY”: მოლაპარაკება და მედიაცია“ მონაწილეობის მისაღებად. ლექციებსა და პრაქტიკულ კურსებს წარუძღვებიან ტრენერები უკრაინიდან, საქართველოდან, ნიდერლანდებიდან, ესპანეთიდან, ლატვიიდან, აშშ-დან. საერთაშორისო სკოლის თემატიკაა მოლაპარაკება და მედიაცია და მასში მონაწილეთა განაცხადების მიღების ბოლო ვადაა 2022 წლის 30 ივნისი.
ევროპის აკადემიის თბილისის ცენტრისა (ჰაბი) და ახალი ტექნოლოგიების ლაბორატორია -“ ჯეოლაბის” ერთობლივი ინიციატივის ფარგლებში, გრძელდება საერთაშორისო პროექტი „ტექნოლოგიის მომავალი ლიდერები“, რომელსაც საფუძველი გასულ წელს ჩაეყარა. ის მიზნად ისახავს თანამედროვე ტექნოლოგიების მიმართულებით მონაწილეთათვის ქმედითი, დინამიური და ფუნქციური ცოდნის გადაცემას.
29 ივნისს, 11:00 საათზე, ბსუ-ში, 55-ე აუდიტორიაში, ფრანკოფონიის საუნივერსიტეტო სააგენტოს AUF-ის, ბათუმის შოთა რუსთაველის სახელწიფო უნივერსიტეტის, აჭარის ტურიზმისა და კურორტების დეპარტამენტის, აჭარის ფრანგული ენის მასწავლებელთა ასოციაციისა და საქართველოს ფრანგული ინსტიტუტის მხარდაჭერით, ტარდება კონკურსი „ჩემი თემა 180 წამში“. კონკურსი საშუალებას აძლევს ფრანგულენოვან დოქტორანტებს წარუდგინონ თავისი კვლევა ფართო აუდიტორიას. თითოეულმა მონაწილემ სამ წუთში უნდა გააკეთოს მკაფიო, ლაკონური და დამაჯერებელი პრეზენტაცია თავისი საკვლევი თემის შესახებ. კონკურსში მონაწილეობენ საქართველოს უმაღლესი სასწავლებლების დოქტორანტები.
28 ივნისიდან - 1 ივლისის ჩათვლით, ბათუმის შოთა რუსთაველის სახელმწიფო უნივერსიტეტში, საქართველოს საგარეო პოლიტიკის სტრატეგიულ მიმართულებებზე, ლევან მიქელაძის სახელობის დიპლომატიური სასწავლო და კვლევითი ინსტიტუტი „საქართველოს საგარეო პოლიტიკისა და მისი პრიორიტეტების საკითხებზე“ლექციების ციკლის განხორციელებას იწყებს. ლექციებს უძღვებიან დიპლომატიური ინსტიტუტის მკვლევრები, ელჩები მიხეილ უკლება - ელჩი, მკვლევარი, მერაბ ანთაძე - ელჩი, მკვლევარი, ნიკოლოზ რთველიაშვილი - ელჩი, მკვლევარი, მამუკა ციხელაშვილი - ელჩი, მკვლევარი, გიორგი ყარალაშვილი - ელჩი, მკვლევარი, თეიმურაზ შარაშენიძე - ელჩი, მკვლევარი, იოსებ დანელია - დესპანი, მკვლევარი.
