ანონსები

23 ივნისს,12:00 საათზე, ბათუმის შოთა რუსთაველის სახელმწიფო უნივერსიტეტში (32-ე აუდიტორია) ილიას სახელმწიფო უნივერსიტეტის პროფესორი პაატა ბუხრაშვილი ლექციას წაიკითხავს თემაზე: „3 000 წლის წინანდელი სამლოცველო მთა ნაზარლებზე“. ლექციაზე საუბარი იქნება დედოფლისწყაროს მუნიციპალიტეტში, შირაქის ზეგანზე, მთა ნაზარლების თხემზე, ერთობლივი ქართულ-გერმანული არქეოლოგიური ექსპედიციის მიერ ახლად აღმოჩენილ, ძალზე საინტერესო არქეოლოგიური ძეგლის (ქრისტემდე XII-X სს.) თაობაზე. წარმოდგენილი იქნება არგუმენტირებული ვარაუდები და დასკვნები აღნიშნული არქეოლოგიური ძეგლის შესახებ და მის მნიშვნელობაზე კავკასიის გვიანი ბრინჯაო-ადრე რკინის ხანის კულტურათა სისტემაში.

ეკონომიკის და ბიზნესის ფაკულტეტის 25 წლის იუბილის ფარგლებში, მიმდინარე წლის 21 ივნისს, 12.00 საათზე, 423-ე აუდიტორიაში გაიმართება თბილისის ივანე ჯავახიშვილის სახელობის სახელმწიფო უნივერსიტეტის პროფესორ თეიმურაზ შენგელიას, ასოცირებული პროფესორის ხათუნა ბერიშვილის, ბიზნეს ადმინისტრირების დოქტორების: ბონდო გასვიანისა და თინათინ ჟორჟოლიანის მონოგრაფიის „კროსკულტურული ურთიერთობები საერთაშორისო ბიზნესში“ წარდგენა.

20-21 ივნისს, ბათუმის შოთა რუსთაველის სახელმწიფო უნივერსიტეტში მიუნსტერის უნივერსიტეტის პროფესორი კორდულა შულცე ბსუ-სთან გაფორმებული მემორანდუმის საფუძველზე, ვორქშოპს ჩაატარებს ბსუ-ს სტუდენტებისა და კერძო/საჯარო სკოლის მოსწავლეებისათვის. ვორქშოპის მონაწილეები გაეცნობიან გერმანული თანამედროვე სალაპარაკო ენისა და გერმანული კულტურის აქტუალურ საკითხებს, აუთენტურ მასალად გამოყენებული იქნება სხვადასხვა ჟანრის გერმანულენოვანი სიმღერა. ღონისძიებაში მონაწილეობის პირობაა გერმანული ენის ფლობა B1 დონეზე.

თავისუფალი ასოციაცია და ფრიდრიხ ებერტის ფონდი აცხადებს ესეების კონკურსს. თუ ახალგაზრდა ხარ, გაინტერესებს სამხრეთ კავკასიის რეგიონში მიმდინარე მოვლენები, თვლი, რომ ახალგაზრდების როლი პოლიტიკური, საზოგადოებრივი და სოციალური საკითხების წარმართვაში მნიშვნელოვანია, ამავე დროს, საკუთარი ნააზრევის ფურცლებზე გადატანაც მოგწონს, კონკურსი შენთვის არის!

8-9 ივნისს ბათუმში და 10-11 ივნისს ქუთაისში საქართველოს ფრანგული ინსტიტუტი და გოეთეს ინსტიტუტი საქართველოში მართავს ფრანგულ-გერმანული კინოს დღეებს. ღონისძიების ფარგლებში ბათუმის შოთა რუსთველის სახელმწიფო უნივერსიტეტსა და ქუთაისის აკაკი წერეთლის სახელმწიფო უნივერსიტეტში ფრანგული და გერმანული ფილმების ჩვენება და უცხოელი ექსპერტების მონაწილეობით დისკუსია გაიმართება. ფილმების ჩვენებითა და დისკუსიებით მონაწილეებს საშუალება ექნებათ, უყურონ თანამედროვე ფრანგულ და გერმანულ ფილმებს, შეაფასონ ისინი და ექსპერტებთან ერთად ისაუბრონ მათში ასახულ მნიშვნელოვან და აქტუალურ თემებზე.