4 ნოემბერს, 15:00 საათზე, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, გაიმართება სემინარი თემაზე: „შერეული სწავლება - საბაზისო საგანმანათლებლო მოდელი პანდემიის შემდეგ“. ბულგარეთის რუსეს უნივერსიტეტის რექტორი, აკადემიკოსი ხრისტო ბელოვი და პროფესორები: აგელ სმრიკაროვი, სტოიანა სმრიკაროვა, ცვეტომირ ვასილევი ჰიბრიდული მსმენელებს სწავლების აქტუალურ საკითხებს გააცნობს.
27 ოქტომბერს, 10:30 საათზე, გერმანიის აკადემიური გაცვლის სამსახურის (DAAD) ორგანიზებით, სასტიპენდიო პროგრამების წარდგენა გაიმართება Zoom-ის პლატფორმის გამოყენებით. DAAD-ის წარმომადგენელი მაქს ბორმანი ბათუმის შოთა რუსთაველის სახელმწიფო უნივერსიტეტის სტუდენტებს სასტიპენდიო პროგრამებში მონაწილეობის წესებსა და პირობებს გააცნობს.
2021 წლის 26 ოქტომბერს, 17:00 საათზე, ონლაინ ფორმატში ბათუმის შოთა რუსთაველის სახელმწიფო უნივერსიტეტის სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე ZOOM-ის პლატფორმის გამოყენებით სტუდენტებს საერთაშორისო გაცვლით პროგრამაში მონაწილეობის პირობებს გააცნობს.
ფსიქიკური ჯანმრთელობის მსოფლიო დღის კვირეულის ფარგლებში, ბსუ-ს ფსიქოლოგიის კლინიკა E-PSY-ის პროექტის ეგიდით, 13-16 ოქტომბერს „ბავშვებისა და მოზარდების ფსიქიკური ჯანმრთელობის“ საკითხებზე უფასო კონსულტაციებს ჩაატარებს. შეხვედრები ჩატარდება როგორც ონლაინ, ასევე ოფლაინ ფორმატში. ონლაინ კონსულტაციები ჩატარდება ყოველდღე, 21:00 საათიდან 22:00 საათამდე, სადაც ფსიქოლოგები უპასუხებენ დასმულ შეკითხვებს Zoom-ის პლატფორმის გამოყენებით https://us02web.zoom.us/j/8481083117
პირველკურსელებისთვის ბათუმის შოთა რუსთაველის სახელმწიფო უნივერსიტეტის ბიბლიოთეკით სარგებლობის წესთან დაკავშირებით, გაიმართება საინფორმაციო შეხვედრები. იხილეთ საინფორმაციო შეხვედრების განრიგი და Zoom-ის ონლაინ პლატფორმაზე დასწრების ბმული ფაკულტეტების მიხედვით:
