5 მაისს, 15:00 საათზე ბათუმის შოთა რუსთველის სახელმწიფო უნივერსიტეტის სტუდენტური საცხოვრებელი გაიხსნება. თანამედროვე სტანდარტების 200 მობინადრეზე გათვლილი სტუდენტთა საცხოვრებელი ბათუმში, ლეონიძის ქ. #15-ში მდებარეობს.
3 მაისს, 14:00 საათზე, ბათუმის შოთა რუსთაველის სახელმწიფო უნივერსიტეტში, 21-ე აუდიტორიაში (თავისუფალი სივრცე) აჭარის ა.რ. უმაღლესი საბჭოს ადამიანის უფლებათა დაცვის საკითხთა კომიტეტის თავმჯდომარე ცოტნე ანანიძე საჯარო ლექციას წაიკითხავს თემაზე: „ადამიანის უფლებები“. ღონისძიება ბსუ-ს სტუდენტური პროექტის „ლიბერრუმის“ ფარგლებში იმართება.
25 აპრილს, 14:00 საათზე, ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში გაიმართება მასწავლებლის ეროვნული ჯილდოს მფლობელის ლადო აფხაზავას საჯარო ლექცია თემაზე: „21-ე საუკუნის მასწავლებელი“. ღონისძიება ბსუ-ს პროექტის ლიბერრუმი ფარგლებში ჩატარდება.
22 აპრილს, 10:00 საათზე, ბათუმის შოთა რუსთაველის სახელმწიფო უნივერსიტეტის ეზოში, დედამიწის საერთაშორისო დღის აღნიშვნასთან დაკავშირებით აშშ-ს საერთაშორისო განვითარების სააგენტოს (USAID) და CENN-ის ორგანიზებით ნარჩენების მართვის ტექნოლოგია რეგიონებში პროგრამის (WMTR) ფარგლებში ბათუმში ნარჩენების სეპარაციის სტენდების გახსნის ოფიციალური ცერემონია გაიმართება. ბათუმის შოთა რუსთაველის სახელმწიფო უნივერსიტეტი პირველი უმაღლესი საგანმანათლებლო დაწესებულებაა აჭარაში, სადაც ნარჩენების სეპარაციის სტენდი განთავსდება.
19 აპრილს, 12:00 საათზე, ბათუმის შოთა რუსთაველის სახელმწიფო უნივერსიტეტში, 329-ე აუდიტორიაში „ბიოსიოს“ კრიატიული დირექტორი, ფლორიდის უნივერსიტეტისა და აშშ-ს აგროკულტურის დეპარტამენტის კოლაბორატორი, ქიმიის აკადემიური დოქტორი მაია ციკოლია საჯარო ლექციას წაიკითხავს თემაზე: „სამედიცინო და არომატულ მცენარეთა ეთერზეთებისა და მათი ბიოლოგიური აქტივობის კვლევა“.
