ანონსები

20-23 აგვისტოს, კავკასიის უნივერსიტეტის სახელმწიფო მართვის სკოლის (CSG) ჟან მონეს კათედრა (Jean Monnet Chair) გთავაზობთ პროექტის: „ევროინტეგრაციის შესახებ სწავლების ხელშეწყობა და ევროკავშირის შესახებ ცნობიერების ამაღლება საქართველოში“ საზაფხულო სკოლას ბათუმში:

“ევროკავშირი: მიმდინარე საკითხები და პოლიტიკა”

საზაფხულო სკოლას გაუძღვება ჟან მონეს პროფესორი, დოქტორი სერგი კაპანაძე. სასწავლო დღის წესრიგი მოიცავს ევროკავშირის და ევროინტეგრაციის შესახებ ყველა ფუნდამენტურ საკითხს. სწავლების ფორმა არის ინტერაქციული და მოიცავს სიმულაციურ თამაშს.

დამატებითი ინფორმაციისთვის იხილეთ საინფორმაციო ბუკლეტი.

მონაწილეობის მსურველებმა წარმოადგინეთ რეზიუმე და მოკლე სამოტივაციო წერილი (300 სიტყვა/ნახევარი გვერდი) შემდეგ მისამართზე: jeanmonnet@cu.edu.ge

5 სექტემბერს, 10:00 საათზე ბათუმის შოთა რუსთაველის სახელმწიფო უნივერსიტეტის ორგანიზებით გაიხსნება საერთაშორისო საზაფხულო სკოლა სახელწოდებით - „ევროკავშირის სამართალი და ევროპული ინტეგრაცია“.

პირველი აუტსორსული კომპანია Georgian Service Group 2007 ბათუმში ფილიალს ხსნის და ეძებს გერმანული, ინგლისური, ფრანგული და ესპანური ენის მცოდნე მოტივირებულ თანამშრომლებს. 20 ივლისს, 10:00 საათზე, ბსუ-ს 55-ე აუდიტორიაში Georgian Service Group 2007- ის ფილიალის წარმომადგენლები კომპანიაში დასაქმების პერსპექტივით გამართავენ პრეზენტაციასა და ტესტირებას სტუდენტებისთვის, კურსდამთავრებულებისთვის და ნებისმიერი დაინტერესებული პირისთვის.

1 ივლისიდან -5 ივლისამდე , ბსუ-ს 55 აუდიტორიაში გაიმართება მე-9 საერთაშორისო ფორუმი რეალურ და ვირტუალურ რეჟიმებში - „გეოკულტურული სივრცე:სმარტ ტექნოლოგიები განათლებასა და სოციუმში“; ფორუმი ტარდება მსოფლიო უნივერსიტეტების თაოსნობით ( პრეშოვის უნივერსიტეტი, ბოლონიის უნივერსიტეტი, კიოტო-სანგიოს უნივერსიტეტი, მიდლბერის უნივერსიტეტი). მიზანი: სხვადასხვა ქვეყნის ლინგვისტების, მეთოდისტების, კულტურულოგების, ლიტერატურათმცოდნეებისა და პედაგოგების გაერთიანება ჰუმანიტარულ სფეროში წარმოქმნილი აქტუალური პრობლემების განსახილველად, უნივერსიტეტებს შორის თანამშრომლობის ეფექტიურობის გაუმჯობესება და ვირტუალურ და რეალურ ფორმატში ურთიერთობის კულტურის ამაღლება.

VI საერთაშორისო სკოლა-სემინარი `ბიომედიცინის აქტუალური საკითხები”
30 ივნისი - 02 ივლისი, 2017 წელი