ანონსები

12 ივნისს, 14:00 საათზე, 307-ე აუდიტორიაში, თემაზე: „რატომ არის საჭირო ნარკოპოლიტიკის რეფორმა საქართველოში“ საჯარო დისკუსია გაიმართება.

ნარკოპოლიტიკის ეროვნულმა პლატფორმამ ნარკოპოლიტიკის რეფორმის გეგმა შეიმუშავა, რომელსაც სტუდენტებსა და ლექტორებს გააცნობს. შეხვედრის ფარგლებში მონაწილეები იმსჯელებენ შემდეგ თემებზე:

 რატომ არის აუცილებელი ნარკოპოლიტიკის შეცვლა
 რა შედეგები მოიტანა მოქმედმა პოლიტიკამ
 რა ცვლილებებს სთავაზობს ხელისუფლებას ნარკოპოლიტიკის პლატფორმა
 როგორი იქნება ნარკოტიკებთან დაკავშირებული სასჯელები ახალი კანონმდებლობის პირობებში
 რა შეიცვლება ზრუნვის (პრევენცია, მკურნალობა, რეაბილიტაცია) თვალსაზრისით
 როგორია რეფორმის მოსალოდნელი შედეგები

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი

აჭარის არ ტურიზმისა და კურორტების დეპარტამენტი

2017 წლის 10- 11 ივნისს მართავს

VI საერთაშორისო სამეცნიერო-პრაქტიკულ კონფერენციას

„ტურიზმი: ეკონომიკა და ბიზნესი“

კონფერენციის პროგრამით გათვალისწინებული მიმართულებებია:
1. ტურიზმის განვითარების ხედვა და სტრატეგია
2. ტურიზმის ინდუსტრია და ბიზნესგარემო
3. სოფლად ტურიზმი და მდგრადი ბიზნესი
4. კრეატიული მასპინძლობის მენეჯმენტი
5. განათლება, ინოვაციები და ტექნოლოგიები ტურიზმში

9 ივნისს, 10:00 საათზე, ბსუ-ს სააქტო დარბაზში, ხარისხის განვითარების ეროვნული ცენტრის დირექტორი თამარ სანიკიძე ავტორიზაციის ახალი სტანდარტების გაცნობის მიზნით შეხვედრას გამართავს უნივერსიტეტის ადმინისტრაციასთან, პროფესორ-მასწავლებლებთან და სტუდენტებთან.

გერმანიის, ავსტრიისა და შვეიცარიის საელჩოები გერმანიის აკადემიური გაცვლის სამსახურთან (DAAD), გოეთეს ინსტიტუტთან, თბილისში ავსტრიულ ბიბლიოთეკასთან და გერმანიის საზღვარგარეთ სასკოლო სწავლების ცენტრალურ უწყებასთან (ZfA) ერთად, აწყობენ „გერმანული ენის თვეს“ სლოგანით „სამი ქვეყანა - ერთი ენა“.

6 ივნისს, ბათუმის შოთა რუსთაველის სახელმწიფო უნივერსიტეტში „გერმანული ენის თვის“ ფარგლებში გაიმართება სხვადასხვა სახის ღონისძიებები.