ბსუ-ს რექტორის მოვალეობის შემსრულებლის არჩევნების გამოცხადების შესახებ

განცხადება

ბსუ-ს რექტორის მოვალეობის შემსრულებლის არჩევნების გამოცხადების შესახებ

1. 2024 წლის 16 ივლისს გამოცხადდეს საჯარო სამართლის იურიდიული პირი - ბათუმის შოთა რუსთაველის სახელმწიფო უნივერსიტეტის (შემდეგში - ბსუ) რექტორის მოვალეობის შემსრულებლის არჩევნები.
2. რექტორის მოვალეობის შემსრულებელი არჩეული იქნეს ბსუ-ს რექტორის არჩევის შესახებ ბსუ-ს აკადემიური საბჭოს დადგენილების ძალაში შესვლის დღემდე ვადით, მაგრამ რექტორის მოვალეობის შემსრულებლად არჩევიდან არაუმეტეს 6 თვის ვადით.
3. ბსუ-ს რექტორის მოვალეობის შემსრულებლის თანამდებობის დაკავება შეუძლია პირს, რომელსაც აქვს დოქტორის ან მასთან გათანაბრებული აკადემიური ხარისხი.
4. კანდიდატთა რეგისტრაცია იწარმოებს ბსუ–ს საარჩევნო კომისიაში (ქ. ბათუმი, ნინოშვილის ქ. N35, პირველი კორპუსი, პირველი სართული, ოთახი N14), 2024 წლის 18 ივლისიდან 19 ივლისის ჩათვლით, 10:00 სთ-დან 18:00 სთ-მდე.
5. კანდიდატმა საარჩევნო კომისიაში სარეგისტრაციოდ  უნდა წარმოადგინოს:

ა) კანდიდატის სარეგისტრაციო განცხადება (შევსებული არჩევნების გამოცხადების შესახებ დადგენილების N2 დანართის შესაბამისად);

ბ)  პირადობის დამადასტურებელი მოწმობის ასლი;

გ) ავტობიოგრაფია (СV);

დ) უმაღლესი განათლების (დოქტორის ან მასთან გათანაბრებული აკადემიური ხარისხის) მიღების დამადასტურებელი დოკუმენტების სათანადო წესით დამოწმებული ასლი;

ე) მოკლევადიანი (6 თვის) სამოქმედო გეგმა;

ვ) ფერადი ფოტო, ზომით ¾;

ზ) ინფორმაცია შრომითი საქმიანობის შესახებ (დასაქმების ადგილიდან გაცემული ცნობა/დამოწმებული ამონაწერი შრომის წიგნაკიდან ან/და სხვა, კანონმდებლობით დადგენილი წესით გაცემული ცნობა);

თ)  ცნობა ნარკოლოგიური შემოწმების შესახებ;

ი) ცნობა ნასამართლეობის შესახებ   (მათ შორის  ,,სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის/ნასამართლობის მოხსნისა ან გაქარწყლების შესახებ ინფორმაციის მითითებით, ასეთის არსებობის შემთხვევაში).

5. დადგენილ ვადაში რეგისტრირებულ კანდიდატთა მიერ წარმოდგენილი დოკუმენტაციისა და მოკლევადიანი სამოქმედო გეგმების განხილვა ბსუ-ს აკადემიური საბჭოს მიერ დაიწყება 2024 წლის 22 ივლისს, 14:00 სთ-ზე.

6. ბსუ-ს  რექტორის მოვალეობის შემსრულებლის არჩევნები (ფარული კენჭისყრა) ჩატარდება 2024 წლის 22 ივლისს, 15:00 სთ-ზე.

დადგენილება №06-01/48