„ერაზმუს+“-ის გაცვლითი პროგრამის კონკურსი მიუნსტერის უნივერსიტეტში

ცხადდება ევროკომისიის მიერ დაფინანსებული ,,ერაზმუს+“-ის გაცვლითი პროგრამის კონკურს ბათუმის შოთა რუსთაველის სახელმწიფო უნივერსიტეტის ბაკალავრიატისა და მაგისტრატურის საფეხურის სტუდენტებისთვის მიუნსტერის უნივერსიტეტში https://www.uni-muenster.de/en /    (გერმანია).

მიმართულება:

გერმანული ფილოლოგია

ადგილების რაოდენობა (2)

გერმანული ენის დონე მინიმუმ (B1)

მობილობის პერიოდია  2025 წლის გაზაფხულის სემესტრი (აპრილი-ივლისი).

კონკურსში მონაწილეობის პირობები:

• სტუდენტი უნდა იყოს ბსუ-ს აქტიური სტატუსის მქონე;
• ბაკალავრიატის საფეხურის I, II, III, IV, V ან VI სემესტრის სტუდენტი;
• მაგისტრატურის საფეხურის პირველი სასწავლო წლის სტუდენტი;
• არ უნდა ჰქონდეს მოპოვებული ,,ერაზმუს მუნდუსის“/,,ერაზმუს+“-ის გრანტი ანალოგიურ საფეხურზე;
• ბოლო 5 წლის განმავლობაში 12 თვეზე მეტი არ უნდა ჰქონდეს გატარებული ევროკავშირის ქვეყანაში;
• კანდიდატს განაცხადი შეაქვს იმ საფეხურზე, რომელზეც კონკურსის მიმდინარეობისას ირიცხება;
• კონკურსში მონაწილეობის მისაღებად აუცილებელია, კანდიდატი სწავლობდეს აღნიშნული უნივერსიტეტის მიერ შემოთავაზებულ პროგრამაზე ან/და გადიოდეს ამ დარგის შესაბამის საგნებს (MINOR -პროგრამის ჩათვლით).

საბუთები ბაკალავრიატის და მაგისტრატურის სტუდენტთათვის:

• პირადობის მოწმობის/საერთაშორისო პასპორტის ასლი;
• CV- Europass;
• მოტივაციის წერილი;
• ნიშნების ფურცელი;
• არსებობის შემთხვევაში, გერმანული ენის ცოდნის დამადასტურებელი დოკუმენტი - მინიმუმ B1.

კონკურსის ეტაპები:

პირველი ეტაპი - დოკუმენტების მიღება:

2024 წლის 9 დეკემბრამდე (12:00 საათამდე)

დადგენილი საბუთების ატვირთვა ელექტრონულ ბმულზე: https://registration.bsu.ge/Registration-2.php    და  ბსუ-ს სტუდენტურ პორტალზე.

ბსუ-ს სტუდენტურ პორტალზე აპლიკანტმა განცხადებაში  რექტორის სახელზე უნდა მიუთითოს: ტელეფონის ნომერი, ელ. ფოსტა,  ტესტირების სასურველი ენა და დონე (გერმანული B1/B2) და ატვირთოს წარმოსადგენი დოკუმენტები ერთი ფაილის სახით (ZIP).

გერმანული ენის ცოდნის დამადასტურებელი საერთაშორისო სერტიფიკატის არსებობის შემთხვევაში, სტუდენტი თავისუფლდება ტესტირებიდან.

საბუთების წარმოდგენა ორივე მისამართზე აუცილებელია!

არასრულად წარმოდგენილი საბუთები არ განიხილება!

2024  წლის  9 დეკემბერი, 16:00 საათი -  ტესტირება გერმანულ  ენაში.

იმ სტუდენტებისთვის, ვინც წარმატებით გადალახავს დადგენილ ბარიერს ტესტირების დროს გერმანულ ენაში:

მეორე ეტაპი

2024  წლის 10 დეკემბერი - გასაუბრება შესარჩევ კომისიასთან

სტიპენდია მოიცავს:

• უფასო სწავლას;
• თვიურ სტიპენდიას;
• მგზავრობის ხარჯების ანაზღაურებას.

სტიპენდია არ ანაზღაურებს ვიზის  ხარჯებს და საერთაშორისო დაზღვევას!

ხშირად შეამოწმეთ პირადი ელფოსტა, ბსუ-ს მთავარი ვებგვერდისა და სტრატეგიული განვითარებისა და საგარეო ურთიერთობათა დეპარტამენტის ბმულები!

კითხვების შემთხვევაში მოგვმართეთ შემდეგ მისამართზე: erasmus@bsu.edu.ge