ბათუმის შოთა რუსთაველის სახელმწიფო უნივერსიტეტი სტუდენტური კონკურსის ,,მე - აგროჟურნალისტი” გამარჯვებულია. ,,ჟურნალისტიკის რესურს ცენტრისა“ და ,,USAID REAP”- ის პროექტში ხუთი რეგიონული უნივერსიტეტის 21 სტუდენტისგან დაკომპლექტებული გუნდი მონაწილეობდა. კონკურსის მონაწილეებმა საქართველოში ,,USAID”–ის მიერ დაფინანსებულ აგროსაწარმოებზე 3-წუთიანი ფილმები გადაიღეს.
ჟიურის გადაწყვეტილებით, გამარჯვებული გახდა ბსუ-ს სტუდენტების: მარია მამულაძის, ანა ნიქაბაძის, მარიამ ცეცხლაძისა და იაგო ფალავანდიშვილის ფილმი პლასტმასის ყუთების საწარმოზე - ,,აგროექსპორტი“.
ბსუ-ს სტუდენტები ,,USAID REAP”-ის სპეციალური პრიზით დაჯილდოვდნენ, რომელიც რეგიონულ ტელევიზიაში სამთვიანი ანაზღაურებადი სტაჟირების გავლას ითვალისწინებს. პროექტი მიზნად ისახავდა სოფლის მეურნეობის თემით დაინტერესებული ახალგაზრდა ჟურნალისტებისათვის შესაძლებლობების შექმნას და მათ წახალისებას.
უკან |