ბათუმის შოთა რუსთაველის სახელმწიფო უნივერსიტეტის ქიმიის დეპარტამენტის პროფესორ-მასწავლებლები ნინო კიკნაძე, გულთამზე თავდგირიძე, თამარ გოგიტიძე და ქიმიის საგანმანათლებლო პროგრამის სტუდენტები საბუნებისმეტყველო მეცნიერებათა პოპულარიზაციის მიზნით სკოლა „მონპარნასს“ ეწვივნენ. ღონისძიებაზე მოსწავლეებიი გაეცნენ დარგის პრიორიტეტებს, მათი მონაწილეობით ჩატარდა ცდები და გაიმართა ქიმიური ვიქტორინა თემაზე: „ქიმია ჩვენი სამყაროს წარსული, აწმყო და მომავალია“.
ბათუმის შოთა რუსთაველის სახელმწიფო უნივერსიტეტში ევროკავშირის პროექტის „ინვაზიური და პოტენციურად ინვაზიური სახეობების კვლევა/მონიტორინგი ჭოროხის დელტას მიმდებარე ტერიტორიაზე” ფარგლებში, სამეცნიერო კონფერენცია ჩატარდა თემაზე: „ინვაზიური და პოტენციურად ინვაზიური სახეობები“. კონფერენციას ესრებოდნენ მეცნიერ-მკვლევრები რუმინეთის, თურქეთისა და უკრაინის უნივერსიტეტებიდან და სამეცნიერო-კვლევითი ინსტიტუტებიდან. სესიაზე ასოცირებულმა პროფესორმა გუგული დუმბაძემ წარადგინა მოხსენება „საქართველო-თურქეთის ტრანსსასაზღვრო ზოლის ინვაზიური მავნებლები“, ხოლო ეკოლოგიისა და ბიოლოგიის საგანმანათლებლო პროგრამების სტუდენტებმა თედო დუმბაძემ, გიორგი გეგიძემ, ნინო ზოიძემ, ლანა ირემაძემ და სხვ., მოხსენებები წაიკითხეს ინვაზიური ფლორისა და იქთიოფაუნის საკითხებზე.
