ბათუმის შოთა რუსთაველის სახელმწიფო უნივერსიტეტის ბიოლოგიის დეპარტამენტის ორგანიზებით უმაღლეს საგანმანათლებლო დაწესებულებაში ველური ბუნების დაცვის საერთაშორისო დღისადმი მიძღვნილი ღონისძიება გაიმართა. შეხვედრაზე სტუდენტებმა და პროფესორ მასწავლებლებმა ველური ბუნების დაცვის მნიშვნელობაზე, დარგის აქტუალურ საკითხებზე, პრობლემებსა და მათი გადაჭრის გზებზე ისაუბრეს. მსოფლიომ წელს დაარსა ველური ბუნების დაცვის საერთაშორისო დღე, საბუნებისმეტყველო მეცნიერებათა და ჯანდაცვის ფაკულტეტი კი ამ პროფესიულ დღეს რამდენიმე წელია აღნიშნავს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ადმინისტრაციის წარმომადგენლები და ერთსაფეხურიანი საგანმანათლებლო პროგრამის ხელმძღვანელი მედიცინის მიმართულების სტუდენტებს შეხვდნენ. სხდომაზე განიხილეს სასწავლო პროცესთან დაკავშირებული სხვადასხვა პრობლემა. ასევე ისაუბრეს გაცლით პროგრამებზე, სტუდენტურ პროექტებსა და არსებულ სიახლეებზე.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის გეოგრაფიის სპეციალობის სტუდენტებმა ექვსდღიან ზამთრის სკოლა-სემინარში მიიღეს მონაწილეობა. „ბაზაზე განახლებადი (ალტერნატიული) ენერგიის წყაროების გეოფიზიკური შეფასების მეთოდები გეოთერმული ენერგიის მაგალითზე“ ილიას სახელმწიფო უნივერსიტეტის დედამიწის შემსწავლელ მეცნიერებათა ინსტიტუტში გაიმართა და მიზნად ისახავდა ახალგაზრდებისათვის მნიშვნელოვანი სიახლეების გაცნობას. სტუდენტებისათვის ლექციები გეოთერმული ენერგიის მოპოვებასა და მის, როგორც ელექტრო, ისე სითბური ენერგიის წყაროდ გამოყენების თანამედროვე მეთოდებზე, ქართველებთან ერთად, ამერიკელმა, თურქმა და აზერბაიჯანელმა სპეციალისტებმა წაიკითხეს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ადმინისტრაციის წარმომადგენლები მედიცინის მიმართულების პროფესორ-მასწავლებლებს შეხვდნენ. ფაკულტეტის ხარისხის უზრუნველყოფის სამსახურის უფროსმა ლეილა ახვლედიანმა სტუდენტთა გამოკითხვის შედეგები წარმოადგინა. შეხვედრის მონაწილეებმა სტუდენტთა კომენტარებში არსებული პრობლემები განიხილეს და სამომავლო გეგმებზე ისაუბრეს.

საბუნებისმეტყველო მეცნიერებათა და ჯანდაცვის ფაკულტეტის მედიცინის სპეციალობის VI კურსის სტუდენტებმა თბილისის სახელმწიფო სამედიცინო უნივერსიტეტში გამართულ ზამთრის სკოლის - ,,სადიაგნოსტიკო მეთოდებისა და სამედიცინო აპარატურის მუშაობის ფიზიკური პრინციპები’’ მუშაობაში მიიღეს მონაწილეობა. მომავალ მედიკოსებს სამედიცინო აპარატურის მუშაობის პრინციპები უცხოელმა და ქართველმა პროფესორ-მასწავლებლებმა წარუდგინეს. სტუდენტები ათი დღის განმავლობაში გაეცნენ რადიოლოგიის დარგში სამეცნიერო კვლევის, ულტრაბგერითი დიაგნოსტიკის და ფოტომეტრიის გამოყენების მეთოდებსა და პარამაგნიტური რეზონანსული ტომოგრაფიის მუშაობის პრინციპებს.