3-5 ოქტომბერს, ბათუმის შოთა რუსთაველის სახელმწიფო უნივერსიტეტში სკოლა-კონფერენცია ჩატარდება თემაზე: „სამხრეთ კავკასიის შავი ზღვის რეგიონის კლიმატის მოდელირება“. სწავლება ხელს შეუწყობს საქართველოს /კავკასიის/შავი ზღვის რეგიონის მეცნიერებსა და სტუდენტებს, შეისწავლონ თანამედროვე კლიმატის მოდელირების პროგრამა. თანამედროვე პირობებში არსებობს შესაძლებლობა, მოხდეს რიცხვითი სიმულაციური და რეგიონალური კლიმატის მოდელების შექმნა, რაც საფუძველს მოგვცემს, წინასწარ განვსაზღვროთ კლიმატის ცვლილებით გამოწვეული ზემოქმედება გარემოზე და მოვახდინოთ შეფასება დროულად. შესაბამისად მოხდება საბუნებისმეტყველო მეცნიერებათა ფაკულტეტის ახალგაზრდა მეცნიერების კვალიფიკაციის ამაღლება. სწავლებაში ჩართულია 12 უცხოელი და 10 ქართველი მონაწილე.

ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტზე საჯარო დისკუსია გაიმართა თემაზე: „რატომ არის საჭირო ნარკოპოლიტიკის რეფორმა საქართველოში“. ნარკოპოლიტიკის ეროვნულმა პლატფორმამ ნარკოპოლიტიკის რეფორმის გეგმა შეიმუშავა, რომელიც სტუდენტებსა და პროფესორ-მასწავლებლებს გააცნეს. შეხვედრის ფარგლებში მონაწილეებმა მსჯელობა გამართეს შემდეგ საკითხებზე: რატომ არის აუცილებელი ნარკოპოლიტიკის შეცვლა, რა შედეგები მოიტანა მოქმედმა პოლიტიკამ, რა ცვლილებებს სთავაზობს ხელისუფლებას ნარკოპოლიტიკის პლატფორმა და ა.შ.