2016 წლის 4 ივნისს, აჭარის არ  გარემოს დაცვისა და ბუნებრივი რესურსების სამმართველოს მხარდაჭერით ჩატარდა ადლიის ტერიტორიაზე ზღვის სანაპირო ზოლის დასუფთავების აქცია დევიზით: „შეუერთდი რბოლას, რათა მსოფლიო გახდეს უკეთესი“. აქციაში მონაწილეობდნენ საბუნებისმეტყველო მეცნიერებათა და ჯანდაცვის ფაკულტეტის ეკოლოგიის, ბიოლოგიისა და მედიცინის მიმართულების სტუდენტები.
აქციის  ორგანიზებაში მონაწილეობდნენ საბუნებისმეტყველო მეცნიერებათა და ჯანდაცვის ფაკულტეტის დეკანი, პროფესორი მარინა ქორიძე, ბიოლოგიის დეპარტამენტის უფროსი პროფესორი, დავით ბარათაშვილი, ასოცირებული პროფესორი ნინო ლომთათიძე, ასისტენტ პროფესორები: გუგული დუმბაძე, ლალი ჟღენტი.