ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის ასოცირებულმა ნინო სვანიძემ მონაწილეობა მიიღო უნგრეთის ქალაქ დებრეცენში გაიმართულ საერთაშორისო სემინარში თემაზე: „შემთხვევით პროცესთა მდგრადობის საკითხები“. მკვლევარმა მასობრივი მომსახურების თეორიისა და ინფორმაციული სისტემების მოდელირების სექციაში მოხსენება „ალბათური ანალიზი აღდგენადი დარეზერვებული სისტემისა ორი ტიპის მომსახურებით“ წარადგინა და განიხილა დარეზერვებული სისტემა ორი ტიპის მომსახურებით, ერთი აღმდგენითა და ერთი ჩანაცვლების ორგანოთი.
ვარშავის უნივერსიტეტის პროფესორი პაველ ტრაჩიკი სამუშაო ვიზიტით ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტს ეწვია. პროფესორმა ტრაჩიკმა ვიზიტის ფარგლებში ბსუ-ს პროფესორ-მასწავლებლებისათვის სამეცნიერო მოხსენება წაიკითხა ბრეიდების ჯგუფის წარმოდგენის შესახებ. მკვლევარმა განიხილა ამ მიმართულებით არსებული პრობლემები და სხვადასხვა ავტორის მიერ წარმოებული კვლევის შედეგები. მომხსენებელმა ასევე წარმოადგინა ბსუ-ს ასოც. პროფესორ ანზორ ბერიძის თანაავტორობით მომზადებული სამეცნიერო სტატია - ბურაუს წარმოდგენა n=4-სათვის.
პოლონეთის ბიალისტოკის ტექნოლოგიური უნივერისტეტის კომპიუტერულ მეცნიერებათა ფაკულტეტის პროფესორი აგნიეშკა მალინოვსკა ერზმუს+ის გაცვლითი პროგრამის ფარგლებში ხუთდღიანი ვიზიტით ბათუმის შოთა რუსთაველის სახელმწიფო უნივერსიტეტს ეწვია. პოლონელი პროფესორი 5-7 ივლისს წაიკითხავს საჯარო ლექციათა კურსს წაიკითხავს ფიზიკა-მათემატიკისა და კომპიუტერულ მეცნიერებათა ფაკულტეტის ყველა სპეციალობის სტუდენტებისათვის შემდეგ დისციპლინებში: „კალკულუსი I“ და „კალკულუსი II“.
ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტზე კომპანია მაიკროსოფტის ტესტირების ჯგუფის ხელმძღვანელმა, ტრენერმა და php დეველოპერმა ერიკ დ. ვეიდმა საჯარო ლექცია გამართა. შეხვედრა თანამედროვე კომპიუტერულ ტექნოლოგიებს, ჯგუფურ მუშაობასა და გუნდის ფორმირებას შეეხებოდა საინფორმაციო ტექნოლოგიების გამოყენებით.
