ფიზიკა-მათემატიკისა და კომპიუტერულ მეცნიერებათა ფაკულტეტის სხვადახვა სპეციალობის სტუდენტები მონაწილეობას ღებულობენ სტუდენტთა საუნივერსიტეტი სამეცნიერო კონფერენციაში. ახალგაზრდები სამეცნიერო მოხსენებებს კითხულობენ ფიზიკის, მათემატისა და კომპიუტინგის სექციებში. სტუდენტები ისეთ აქტუალურ საკითხებზე წარმოადგენენ თემებს, როგორიცაა: „სისხლში ლაზერის სხივის ინტენსივობის ფლუქტუაციის კორელაციური ფუნქციის შეფასება“, „რადიოტექნიკური სიგნალების სპექტრალური გამოკვლევა“, „კომერციული საქმიანობის ამსახველი ზოგიერთი მათემატიკური მოდელი“, „კორპორაციული ქსელების უსაფრთხოების დონის ანალიზი, შეტევების გამოვლენა, უსაფრთხოების პოლიტიკის უზრუნველყოფა“, „არქიტექტურა და ნანოტექნოლოგიები“, „სატრანსპორტო საშუალებების ურთიერთობის კონტროლი“.

ფიზიკისა-მათეტიკისა და კომპიუტერულ მეცნიერებათა ფაკულტეტის მათემატიკის დეპარტამენტისა და ილიას სახელმწიფო უნივერსიტეტის ფუნდამენტური და ინტერდისციპლინური მათემატიკური კვლევების ინსტიტუტის ორგანიზებით ზამთრის სკოლა - გეომეტრია და ტოპოლოგია - 2017 ჩატარდა. ერთი კვირის განმავლობაში ბათუმის შოთა რუსთაველის სახელმწიფო უნივერსიტეტისა და ილიას სახელმწიფო უნივერსიტეტის საბაკალავრო, სამაგისტრო და სადოქტორო საფეხურის სტუდენტებმა და პროფესორ-მასწავლებლებმა სასწავლო კურსი გაიარეს შემდეგ მიმართულებებში:ძირითადი ტოპოლოგიური ცნებები და კონსტრუქციები, მორსის თეორია და მექანიზმების ტოპოლოგია, ლისალგებრების კოჰომოლოგიები და კლასიფიკაცია, კვანძები, ბმულები და მათი ინვარიანტები.

ბათუმის შოთა რუსთაველის სახელმწიფო უნივერსიტეტში ემერიტუს პროფესორ ჯემალ ბერიძის წიგნის „წიაღსვლები საგვარეულოს წარსულში“ წარდგინება გაიმართა. პრეზენტაციაზე უმაღლესი საგანმანათლებლო დაწესებულების პროფესორ-მასწავლებლებმა და საზოგადოების წარმომადგენლებმა ნაშრომის მნიშვნელობაზე ისაუბრეს.

ლატვიაში, ქალაქ რიგაში, რიგის ტექნიკური უნივერსიტეტის ორგანიზებით საერთაშორისო სამეცნიერო კონფერენცია გაიმართა თემაზე: „მიღწევები უკაბელო და ოპტიკურ კომუნიკაციებში 2016“.
კონფერენციაში მონაწილეობა მიიღო ბათუმის შოთა რუსთაველის სახელმწიფო უნივერსიტეტის ფიზიკის დეპარტამენტის მასწავლებელმა მირანდა ხაჯიშვილმა. მომხსენებელი კონფერენციაზე წარსდგა შემდეგი საკითხით „თხევადი გარემოს ფლუორესცენციის ანალიზის მეთოდების ზოგიერთი საკითხი“ (თანამომხსენებლები ნ. ღომიძე; ი. ჯაბნიძე, კ. მახარაძე). მირანდა ხაჯიშვილი დაჯილდოვდა სერთიფიკატით და მოხსენების ტექსტი კი სტატიის სახით აისახება მაღალრეიტინგულ ჟურნალში.

საჯარო სამართლის იურიდიული პირის ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის საბჭო ბაკალავრიატისა და მაგისტრატურის საგანმანათლებლო პროგრამების სტუდენტთათვის სახელობითი სტიპენდიების მოსაპოვებლად აცხადებს კონკურსს