1 ნოემბერს გამოცხადდა კონკურსი ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის დეკანის თანამდებობის დასაკავებლად. დეკანის თანამდებობის დაკავების მსურველთა განცხადება მიიღება 2017 წლის 1 დეკემბრიდან 8 დეკემბრის ჩათვლით, 10:00 საათიდან 17:00 საათამდე (შაბათ-კვირის გარდა), ბსუ-ს საარჩევნო კომისიაში (მისამართი: ქ. ბათუმი, ნინოშვილის/რუსთაველის 35/32, ოთახი №13).

ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის საბჭოს 2017 წლის 31 ოქტომბრის სხდომის (ოქმი №2) გადაწყვეტილებით, ამავე ფაკულტეტის დეკანის მოვალეობის შემსრულებლად არჩეული იქნა ასოცირებული პროფესორი გულადი ფარტენაძე.

მოულოდნელად გარდაიცვალა ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის მათემატიკის დეპარტამენტის ასოცირებული პროფესორი ზებურ ავალიანი. მათემატიკის დაფუძნებისა და სწავლების, ალგებრისა და რიცხვთა თეორიის ცნობილი მკვლევარმა მნიშვნელოვანი წვლილი შეიტანა მათემატიკის განვითარებაში.ზებური ავალიანი დაიბადა 1957 წლის 20 ივნისს, ქედის რაიონის სოფელ დანდალოში. 1974 წელს დაამთავრა სოფელ გოგიაშვილების საშუალო სკოლა და გახდა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფიზიკა-მათემატიკის ფაკულტეტის სტუდენტი, რომლის 1978 წელს, წარმატებით დამთავრების შემდეგ მუშაობდა ქედის რაიონის გოგიაშვილებისა და კოკოტაურის სკოლებში მათემატიკის მასწავლებლად.