ტექნოლოგიის ფაკულტეტის აგროეკოლოგიისა და სატყეო საქმის სპეციალობების სტუდენტები სასწავლო პრაქტიკით აჭარის სატყეო სააგენტოს მავნებელ დაავადებებთან ბრძოლის სამსახურის ლაბორატორიას ეწვივნენ. ახალგაზრდები გაეცნენ აჭარაში ფართოდ გავრცელებული მბეჭდავი ქერქიჭამიას წინააღმდეგ ბრძოლის ბიოლოგიურ მეთოდს ფერომონული საჭერების გამოყენებით. სტუდენტები ასევე დაეუფლნენ ნაძვის დიდი ლაფანჭამიასთან საბრძოლველად მისი ბუნებრივი მტრის დიდი რიზოფაგუსის ლაბორატორიაში გამრავლების მეთოდს.

სტუდენტთა სამეცნიერო ცენტრის ორგანიზებით ჩატარდა საინჟინრო–ტექნოლოგიური სექციის სტუდენტთა საუნივერსიტეტო სამეცნიერო კონფერენცია. ტექნოლოგიური ფაკულტეტის სხვადასხვა სპეციალობის სტუდენტებმა მოხსენებები წაიკითხეს ტექნოლოგიებისა და ტექნიკის სფეროში არსებულ პრობლემებზე, ინოვაციებზე დამყარებულ სამეცნიერო კვლევებსა და მათი განხორციელების გზებზე. ახალგაზრდებმა სესიაზე ასევე წარმოადგინეს საკვლევ მასალასთან დაკავშირებული თვალსაჩინოებანი

კომპანია „ჯიემჯის“ წარმომადგენლები ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის სტუდენტებსა და პროფესორ-მასწავლებლებს შეხვდნენ და დარგის სიახლეები გააცნეს. შეხვედრის შემდეგ მომავალმა მშენებლებმა ბათუმში, ს. ჟღენტის ქუჩაზე, #1-ში მშენებარე ხუთვარსკვლავიანი სასტუმრო და გასართობი კომპლექსი დაათვალიერეს. უმაღლეს საგანმანათლებლო დაწესებულებასა და კომპანიას შორის გაფორმებული თანამშრომლობის მემორანდუმის ფარგლებში სტუდენტები „ჯიემჯიში“ სასწავლო პრაქტიკასა და სტაჟირებას გადიან. კომპანიაში დასაქმებული არიან უნივერსიტეტის კურსდამთავრებულები და ამჟამად, პარტნიორ ორგანიზაციაში პროფესიულ უნარ-ჩვევებს 2 სტუდენტი ეუფლება.

ქალაქ ბათუმის მერი გიორგი ერმაკოვი უნივერსიტეტში ბსუ-ს ტექნოლოგიური ფაკულტეტის სტუდენტებს შეხვდა და ახალი მუნიციპალური პროგრამა ,,უმაღლესი განათლების ხელშეწყობა“ გააცნო. პროგრამა წარმატებული სტუდენტებისთვის ლუკა ასათიანის სახელობის სტიპენდიის გაცემას ითვალისწინებს. 150 და 200-ლარიანი სტიპენდია 2014 წელს ჩარიცხული უმაღლესი აკადემიური განათლების პირველი და მეორე საფეხურის საგანამანათლებლო პროგრამების იმ სტუდენტებზე გაიცემა, რომლებიც რეგისტრირებულნი არიან ქ. ბათუმის მუნიციპალიტეტის ტერიტორიაზე. კონკურსში მონაწილეობა შეუძლიათ მშენებლობისა და არქიტექტურის მიმართულების სტუდენტებს, რომელთაც მიღებული აქვთ დადებითი შეფასება არანაკლებ 81-90 ქულა. პროგრამის ფარგლებში 30 სტუდენტი დაფინასდება.

ცნობილი ქართველი მეცნიერისა და საზოგადო მოღვაწის, საქართველოს მეცნიერებათა ეროვნული აკადემიის წვერ-კორესპოდენტ ვანო პაპუნიძის 75 წლისადმი მიძღვნილი საიუბილეო სხდომა გაიმართა ბათუმის შოთა რუსთაველის სახელმწიფო უნივერსიტეტში. ბიოლოგიის მეცნიერებათა დოქტორს, პროფესორ ვანო პაპუნიძეს მნიშვნელოვანი წვლილი მიუძღვის საქართველოში აგროსატყეო და ზოგადი ბიოლოგიური მეცნიერების დარგების განვითარებაში, გამოქვეყნებული აქვს 120-მდე სამეცნიერო ნაშრომი, მათ შორის 21 მონოგრაფიული ხასიათის წიგნი. მკვლევარს იუბილე მიულოცეს და წარმატებები უსურვეს უნივერსიტეტის რექტორის მოადგილეებმა ირაკლი ბარამიძემ, ნათია წიკლაშვილმა, საქართველოს მეცნიერებათა ეროვნული აკადემიის პრეზიდენტმა, აკადემიკოსმა გიორგი კვესიტაძემ, აღმასრულებელი და საკანონმდებლო ხელისუფლების წარმომადგენლებმა, კოლეგებმა და მეგობრებმა.