2024 წლის 19 მაისიდან 26 მაისის ჩათვლით ERASMUS+ საგრანტო პროექტის „ინტენსიური განვითარების პროექტში სწავლა-ინოვაცია გაყიდვა" (101128310-LISS24-ERASMUS-EDU-2023-CBHE Learn-Innvate-Sell-Succeed) ფარგლებში, ბსუ-ს ტექნოლოგიური ფაკულტეტის დეკანი, პროფესორი გაიოზ ფარცხალაძე, ტექნოლოგიური ფაკულტეტის ხარისხის უზრუნველყოფის სამსახურის უფროსი, პროფესორი, გოჩა ჩავლეშვილი, მოწვეული მასწავლებელი თამაზ ჩხარტიშვილი და სტრატეგიული განვითარებისა და საერთაშორისო ურთიერთობების დეპარტამენტის მთავარი სპეციალისტი ხათუნა ხაბაძე იმყოფებოდნენ ფინეთში, ქალაქებში ტურკუსა და ჰელსინკში.
ბსუ-ს ტექნოლოგიურ ფაკულტეტი აშშ-ს სანდეიეგოს სახელმწიფო უნივერსიტეტის მხარდაჭერით აქტიურად მუშაობს „სამოქალაქო ინჟინერიის“ საბაკალავრო საგანანმანათლებლო პროგრამის ABET-ის აკრედიტაციის მისაღებად. 24-27 აპრილს ფაკულტეტს სამუშაო ვიზიტით ეწვივნენ აშშ-ს მასაჩუსეტსის უნივერისტეტის პროფესორი, ABET-ის ექსპერტი, ბილ ჰაიტერი და აშშ-ს კლემსონის უნივერისტეტის პროფესორი, ABET-ის ექსპერტი ჯო ტერნერი. ვიზიტის მიზანი იყო „სამოქალაქო ინჟინერიის“ საგანანმანათლებლო პროგრამის ABET-ის მეხუთე კრიტერიუმის (კურიკულუმის) მომზადება, მომზადებული სილაბუსების შემოწმება, ლაბორატორიებისა და აუდიტორიების დათვალიერება.
ბათუმის შოთა რუსთაველის სახელმწიფო უნივერსიტეტში აგროიდეების პრე-აქსელერაციის პროგრამა AgroDeck-ის საინფორმაციო შეხვედრა გაიმართა. პროგრამის წარმომადგენლებმა შეხვედრაზე ტექნოლოგიური ფაკულტეტის სტუდენტებსა და აკადემიურ პერსონალს პროექტის მიზანი, სააპლიკაციო პროცესი და მისი ეტაპები გააცნეს. AgroDeck-ი მიზნად ისახავს, აღმოაჩინოს და წაახალისოს აგრომიმართულებით არსებული პრაქტიკული და შედეგზე ორიენტირებული იდეები, დაეხმაროს მათ რეალურ პროდუქტად და ფუნქციურ ბიზნესად გადაქცევაში. პროგრამის მონაწილეები რამდენიმე თვის განმავლობაში მიიღებენ თეორიულ ცოდნასა და პრაქტიკულ გამოცდილებას, იმისათვის, რომ თავიანთი იდეა გარდაქმნან სტარტაპად და წარადგინონ პოტენციური ინვესტორების წინაშე.
3-17 მარტს „ერახმუს+“-ის პროგრამის საგრანტო პროექტის „საგანმანათლებლო, სამეცნიერო, მართვისა და ინდუსტრიული კომპონენტების ერთობლიობა კლიმატის მართვისა და კლიმატის ცვლილების პრევენციისთვის” (CLIMAN) ფარგლებში, ტურიბას უნივერსიტეტმა (ლატვია) უმასპინძლა სტუდენტთა სპეციალურ სასწავლო პროგრამას. ბათუმის შოთა რუსთაველის სახელმწიფო უნივერსიტეტიდან სასწავლო ტურში მონაწილეობას ღებულობდნენ აგრარული ტექნოლოგიებისა და მასწავლებლის მომზადების საგანმანათლებლო პროგრამების სტუდენტები: სალომე დუმბაძე, ლუკა ნინიძე, გიორგი მოსიძე, ჯულიეტა ჯიჯავაძე.
