ტურიზმის დარგის გერმანელმა ექსპერტმა (CIM/SES), ბათუმის შოთა ერუსთაველის სახელმწიფო უნივერსიტეტის საპატიო დოქტორმა კურტ ჰაინც რეიცმა ტურიზმის ფაკულტეტის პროფესორ-მასწავლებელებისა და სტუდენტებისთვის ჩაატარა ლექცია და დისკუსია თემაზე: „ტურიზმი დღეს - აქტუალური საკითხები“. ონლაინ ლექცია მიზნად ისახავდა ტურიზმის ინდუსტრიაზე პანდემიის გავლენის ანალიზს და მოგზაურობის მიმართ ახალი მიდგომების დანერგვას გერმანიისა და საქართველოს მაგალითებზე.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის პროფესორ-მასწავლებლები და სტუდენტებმა მონაწილეობა მიიღეს გაეროს მსოფლიო ტურიზმის ორგანიზაციის ევროპის რეგიონული დეპარტამენტისა და ტურიზმის ფაკულტეტის თანამშრომლობის ფარგლებში გამართულ ვებსემინარში: „გამოფენებისა და ღონისძიებების მომავალი კორონავირუსის შემდეგ”. ვებსემინარების ციკლი შექმნიალია ტურიზმით დაინტერესებული მხარეებისთვის და მიზნად ისახავს ტურიზმის ინდუსტრიის მნიშვნელოვან საკითხებზე ფოკუსირებას. სემინარის სპიკერები იყვნენ საგამოფენო ინდუსტრიისა და ალიანსების წარმომადგენლები (იხილეთ სემინარის ლინკი https://www.youtube.com/watch?v=d80OblCESP4&feature=youtu.be)

ბათუმის შოთა რუსთველის სახელმწიფო უნივერსიტეტის ტურიზმის ფაკულტეტის დეკანმა, პროფესორმა როსტომ ბერიძემ 16 აპრილს მონაწილეობა მიიღო ბიშკეკის, ადამის უნივერსიტეტის მიერ ორგანიზებულ ვებინარში „პანდემიის გავლენა ეკონომიკის დარგებზე“. პროფესორმა როსტომ ბერიძემ ღონისძიებაზე მოხსენება წარადგინა თემაზე: „პანდემიის გავლენა საქართველოში ტურიზმის ინდუსტრიის განვითარებაზე". ღონისძიება მიზნად ისახავდა დარგის ექსპერტებს შორის მოსაზრებების გაზიარებასა და ტურიზმის ინდუატრიაში არსებული მდგომარეობის ანალიზს.

ბათუმში „მაგნოლია 2019“-ის დაჯილდოების ცერემონია გაიმართა. ღონისძიებაზე აჭარის ტურიზმისა და კურორტების დეპარტამენტმა რეგიონში საუკეთესო ტურისტული სერვისის მიმწოდებლები, კერძო და სამთავრობო სექტორის წარმომადგენლები დააჯილდოვა. ბათუმის შოთა რუსთაველის სახელმწიფო უნივერსიტეტმა სიგელი რამდენიმე ნომინაციაში მიიღო. ასევე, დაჯილდოების ცერემონიაზე ბსუ-ს რექტორმა მერაბ ხალვაშმა საუკეთესო გიდს სალომე გორგილაძეს ჯილდო გადასცა.

ბათუმის შოთა რუსთაველის სახელმწიფო უნივერსიტეტში თეიმურაზ აბესაძის სახელმძღვანელოს „სოფლად კერძო საკარმიდამოზე ტურიზმის ბიზნესის ორგანიზება და მართვა“ წარდგენა გაიმართა. წიგნი ტურიზმის საგანმანათლებლო პროგრამის სტუდენტებს დახმარებას გაუწევს სოფლად ტურიზმის პროდუქტების მოდელირებაში და ხელს შეუწყობს სწავლების ხარისხის გაზრდას. სახელმძღვანელო საერთაშორისო ნორვეგიულ-ქართულ-ყირგიზულ საგანმანათლებლო პროექტის ფარგლებში მომზადდა და ნორვეგიის სოფლის რეგიონებში ტურიზმის სამეწარმეო საქმიანობაში მოწინავე გამოცდილებებს ეყრდნობა.