ტურიზმის ფაკულტეტის სტუდენტები სასტუმრო Hilton-ში საზაფხულო ვაკანსიების გასაცნობად იმყოფებოდნენ. შეხვედრის ფარგლებში სტუდენტებს გენერალურმა მენეჯერმა პატრიკ ნაუთერმა გააცნო კომპანიის საქმიანობა, დასაქმების შესაძლებლობები და ის ბენეფიტები, რომლებსაც სასტუმრო სტუდენტებსა და ახალგაზრდა პროფესიონალებს სთავაზობს.

ტურიზმისა და სასტუმრო აღჭურვილობის მე-17 საერთაშორისო გამოფენის „EBIT 2026”-ის სტაჟირებაში მონაწილე ბსუ-ს ტურიზმის ფაკულტეტის სტუდენტებს ბსუ-ს რექტორი ტიტე აროშიძე, საქართველოს საერთაშორისო ინვესტორთა ასოციაციის თავმჯდომარე ოსმან ჩალიშქან-მჟავანაძე და ტურიზმის ფაკულტეტის დეკანი ნარგიზ ფალავანდიშვილი შეხვდნენ. ახალგაზრდებს ფორუმში აქტიური მონაწილეობისათვის მადლობა გადაუხადეს და სერტიფიკატები გადასცეს.

ტურიზმის ფაკულტეტის II კურსის სტუდენტი ელენე წითელაძე და IV კურსის სტუდენტი მარიამ თედორაძე Erasmus+ გაცვლითი პროგრამის ფარგლებში 2025/2026 სასწავლო წელს ერთი სემესტრის განმავლობაში სწავლობდნენ საფრანგეთში, University of Angers-ის ტურიზმის ეროვნულ ინსტიტუტში ESTHUA (Institut National de Tourisme).

20-27 მაისს სასტუმრო ინდუსტრიის გერმანელი ექსპერტი, შვერინისა და ბერლინის გამოყენებით მეცნიერებათა უნივერსიტეტის პროფესორი, „Solutions Holding“-ის აღმასრულებელი დირექტორი, შტეფან გერჰარდი ტურიზმის ფაკულტეტის „ტურიზმის“ საბაკალავრო პროგრამის II და III სასწავლო წლის სტუდენტებისთვის ჩაატარებს ტრენინგს საერთაშორისო სასტუმროს მენეჯმენტში.

ბსუ-ს ტურიზმის ფაკულტეტმა „Erasmus+“-ის პროგრამის ფარგლებში, პოლონეთის ერთ-ერთი ყველაზე პრესტიჟული სასწავლებლის - პოზნანის ფიზიკური აღზრდის უნივერსიტეტის (AWF Poznań) წარმომადგენლებს უმასპინძლა.