ბიბლიოთეკაში შემოვიდა პროფესორ იაშა დიასამიძის „ ალგებრის ამოცანათა კრებული“.
ამოცანათა კრებულის მიზანია, შესაძლებლობის ფარგლებში დაეხმაროს სტუდენტებს თანამედროვე ალგებრის დამოუკიდებლად ათვისების საქმეში და ამ მიმართულებით გამოუმუშაოს კვლევის მეთოდი.
პროფესორმა ნანა მაზმიშვილმა გამოსცა დამხმარე სახელმძღვანელო „ მეთოდური მითითებები რეფერატული ნაშრომებისათვის“. სახელმძღვანელო დაეხმარება უნივერსიტეტის სტუდენტებს, რომელთა სპეციალობა ითვალისწინებს დიდ მოცულობის ინფორმაციასთან მუშაობას.
ბიბლიოთეკაში შემოვიდა ნაშრომი „თამბაქო და გვიანი შუა საუკუნეების ოსმალური თიხის ჩიბუხები“. ნაშრომი ეძღვნება გვიანი შუა საუკუნეების კერამიკულ ნაკეთობებს თამბაქოს მოსაწევ თიხის ჩიბუხებს. ნაშრომს თანდართული აქვს ვრცელი ბიბლიოგრაფია, რაც მნიშვნელოვნად დაეხმარება აღნიშნული თემით დაინტერესებულ მკითხველს.
