აკადემიკოს გურამ ლორთქიფანიძისა და აკადემიკოს როინ მეტრეველის მიერ ბიბლიოთეკას საჩუქრად გადმოეცა წიგნი: „ქართლის ცხოვრება“. წიგნი ეძღვნება სრულიად საქართველოს კათოლიკოს-პატრიარქის, უწმიდესისა და უნეტარესის, ილია II-ის დაბადების 75-ე და აღსაყდრების 30-წლისთავს.
რამაზ სურმანიძისა და აბელ სურგულაძის ავტორობით ბიბლიოთეკას საჩუქრად გადმოეცა წიგნი: „სელიმ ხიმშიაშვილი“. წიგნი ეძღვნება საქართველოს ერთიანობისათვის დაღუპულთა ნათელ ხსოვნას.

რუსუდან ჯანაშიას წიგნი: „უბიხური ენა“ ქართულენოვან მკითხველს, პირველად ქართული კავკასიოლოგიის ისტორიაში, შესაძლებლობას აძლევს, წარმოდგენა შეიქმნას ერთ-ერთი ჩერქეზი ხალხის უბიხების ურთულესი ენის შესახებ. სტუდენტებს შესაძლებლობა ეძლევათ უკვე ქართულ ენაზე, გაეცნონ უბიხთა ენის უმდიდრეს სამყაროს, ხოლო ჩერქეზული ცენტრი კვლავაც გააგრძელებს მუშაობას ჩერქეზული მემკვიდრეობის წარმოსაჩენად.

სახელმძღვანელო „უსადენო ქსელების უსაფრთხოების მხარდამჭერი ავტომატიზებული სისტემის აგება“ წარმოდგენილია ძირითადი ცნობები უსადენო კომპიუტერული ქსელების ტექნოლოგიებისა და კომპონენტის შესახებ. მოკლედ განხილულია უსადენო ქსელების ყველა ნაირსახეობა

წიგნი ძირითადად შედგება ორი ნაწილისაგან, პირველი ეხება: სასოფლო-სამეურნეო კულტურების მავნებელ-დაავადებებს; მათ გავრცელებას; მცენარეთა დაზიანებებს; ბიოლოგიას და ბრძოლის ღონისძიებებს. მეორე ნაწილი ეხება: მავნებელ-დაავადებათა და სარეველების წინააღმდეგ ბრძოლის თანამედროვე მეთოდებს; მათი ოპტიმალური გამოყენების პირობებს; ძირითადი მავნებელ-დაავადებების გამრავლება-გავრცელების პროგნოზს და სხვ.

ნორვეგიის ტელემარკის უნივერსიტეტმა ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებისათვის, საჩუქრად ბიბლიოთეკას გადასცა წიგნი ,, Strategic Marketing in Tourism Services”.