ბათუმის შოთა რუსთაველის სახელმწიფო უნივერსიტეტში გაცვლითი პროგრამის ფარგლებში ზაარლენდის სახელმწიფო უნივერსიტეტის (გერმანია) დოქტორანტმა თამარა გაბოურ სადიმ შეასრულა საკვალიფიკაციო ნაშრომის ექსპერიმენტული ნაწილი და შეისწავლა საქართველოში გავრცელებული მსხლის ჯიშის „ხეჭეჭურის“ ნაყოფის ბიოაქტიური ნაერთები. მიღებული შედეგები გამოქვეყნდა სტატიის სახით MDPI-ის გამომცემლობის ჟურნალში “Sci”-ში. სტატიის გამოქვეყნების შემდეგ ჟურნალის თხოვნით ერთ-ერთ ნომრის გარე ყდაზე დაიწერა ინფორმაცია შემდეგი შინაარსით: „საქართველოში, განსაკუთრებით მის მთიანეთში, ხილის მრავალი ავტოქტონური ჯიშია შემორჩენილი. განსაკუთრებით საინტერესოა მსხლის საგვიანო ჯიშები, რომლებიც გვიან შემოდგომაზე იკრიფება და შესაბამის პირობებში შენახვის შემთხვევაში შესაძლებელია ერთ წლამდე შენახვა. ამ მხრივ უნიკალურ ჯიშს წარმოადგენს ხეჭეჭური. ტრადიციულად ნაყოფს ინახავდნენ ჭურში. მცენარე დაავადებების მიმართ კარგი გამძლეა და ნაყოფი გემრიელია სუსტი არომატით.

გარდაიცვალა ბათუმის შოთა რუსთაველის სახელმწიფო უნივერსიტეტის მემბრანული და აგრარული ტექნოლოგიების ინსტიტუტის აგრარული და კვების პროდუქტების ტექნოლოგიების განყოფილების უფროსი მეცნიერ-თანამშრომელი, ეკონომიკის დოქტორი ასლან დევაძე. ღვაწლმოსილმა მკვლევარმა მნიშვნელოვანი წვლილი შეიტანა აჭარაში ეკონომიკური თეორიის, რეგიონული და დარგობრივი კვლევების მიმართულებით. ასლან დევაძის სამეცნიერო-კვლევითი საქმიანობა დაკავშირებული იყო როგორც ზოგად თეორიული, ისე პრაქტიკული გამოყენებითი ღირებულებების მქონე პროექტებისა და პროგრამების შემუშავება-განხორციელებასთან.

ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტი ახორციელებს პროექტს, რომელიც ითვალისწინებს მეცნიერული კვლევების შედეგების დანერგვის, კომერციალიზაციის, განათლების, მეცნიერებისა და ბიზნესის ინტეგრაციის პროცესში ჩართვის საკითხების შესწავლას. შემუშავდა ინსტიტუტის კომერციალიზაციისა და ბიზნეს სფეროსთან კომუნიკაციის ეფექტური სისტემის ჩამოყალიბების პროგრამული ხედვა და მიდგომა.

ბსუ-ს აგრარული და მემბრანული ტექნოლოგიების ინსტიტუტის აგრარული და კვების პროდუქტების გადამუშავების ტექნოლოგიების განყოფილება ახორციელებს
პროექტს, რომლის მიზანია მოსწავლეებში აგრარული სამეცნიერო მიმართულების პოპულარიზაცია. პროექტის ფარგლებში მე-8 საჯარო სკოლის მოსწავლეები პედაგოგებთან ერთად, გაეცნენ სამეცნიერო კვლევების შედეგებს, ინსტიტუტის თანამედროვე გამზომი, ანალიტიკური ხელსაწყოების მუშაობის პრინციპებს და მონაწილეობა მიიღეს ანალიზების ჩატარებაში.

ბათუმის შოთა რუსთაველის სახელმწიფო უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ერთობლივი კავკასიის მეექვსე საერთაშორისო სიმპოზიუმი „პოლიმერები და მოწინავე მასალები“ გაიხსნა. საერთაშორისო სიმპოზიუმში მონაწილოებას ღებულობენ მეცნიერები საქართველოს, გერმანიის, საფრანგეთის, პოლონეთის, ბელგიის ყაზახეთის, ბელორუსიის, უკრაინის, სომხეთის, აზერბაიჯანის ირანის და სხვა ქვეყნების სამეცნიერო ცენტრებიდან. სიმპოზიუმის მიზანია პოლიმერებისა და მათ საფუძველზე მიღებული კომპოზიციური მასალების, კომპოზიტების სფეროში არსებული თანამედროვე სამეცნიერო-ტექნიკური ნამუშევრების შედეგების განხილვა და ახალი, პრაქტიკაში ფართოდ გამოყენებადი პოლიმერული მასალების წარმოჩენა. საერთაშორისო სიმპოზიუმი ხელს შეუწყობს პოლიმერების სინთეზის ახალი მეთოდების და პოლიმერული მასალების ინოვაციური ტექნოლოგიების წარმოჩენას, ახალი სამეცნიერო კვლევების ჩატარებას, საუკეთესო კვლევის შედეგების პრაქტიკაში დანერგვას და ახალგაზრდების პოლიმერული მეცნიერებით დაინტერესებას. სიმპოზიუმი ბათუმის შოთა რუსთაველის სახელმწიფო უნივერსიტეტში 20 ივლისის ჩათვლით გაგრძელდება.