ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტი, სასოფლო–სამეურნეო ნედლეულის წარმოებისა და გადამუშავების ტექნოლოგიების განყოფილების მთავარ მეცნიერ თანამშრომელს ნუნუ კუტალაძეს ულოცავს 70 წლის იუბილეს.
ნუნუ კუტალაძე დაიბადა 1947 წლის 21 დეკემბერს. წარჩინებით დაამთავრა თბილისის მე - 60 საშუალო სკოლა და სწავლა გააგრძელა საქართველოს სასოფლო სამეურნეო ინსტიტუტში აგროქიმია-ნიადაგმცოდნეობის სპეციალობით. 1970 წლიდან მუშაობა დაიწყო თბილისის ნიადაგმცოდნეობის აგროქიმიის და მელიორაციის სამეცნიერო კვლევით ინსტიტუტში უფროს ლაბორანტად, მეცნიერ-თანამშრომლად. პარალელურად სწავლობდა ამავე ინსტიტუტის ასპირანტურაში, ნიადაგმცოდნეობის განხრით.

14-19 დეკემბერს იაპონური ფირმა Shimadzu-ს წარმომადგენელმა უკრაინაში, Shimukraine-ის გენერალური დირექტორის მოადგილე სპექტრალურ აღჭურვილობაში ივან ოგოროდნიკმა აგრარული და მემბრანული ტექნოლოგიების ინსტიტუტის მკვლევარებისათვის ტრენინგი ჩაატარა. მეცნიერ-თანამშრომელები გაეცნენ ანალიტიკური აპარატურის, ინდუქტიურად დაკავშირებულ პლაზმურ ატომურ-ემისიურ სპექტრომეტრის - Shimadzu ICPE-9820, ულტრაიისფერ სპექტრომეტრის - UV-1800 მუშაობის სპეციფიკა გააცნო. ტრენინგს მკვლევარებთან ერთად, სხვადასხვა ნავთობკომპანიის ლაბორატორიების მენეჯერები, ანალიტიკოსები, აჭარის ა.რ. სოფლის მეურნეობის სამინისტროს ლაბორატორიული კვლევითი ცენტრის წარმომადგენლები ესწრებოდნენ. ინსტიტუტის მეცნიერ თანამშრომლებმა აითვისეს აპარატურაზე მუშაობის უნარ-ჩვევები.

ბსუ-ს აგრარული და მემბრანული ტექნოლოგიების კვლევითი ინსტიტუტის მემბრანების სინთეზის ლაბორატორია პოლიმერული მემბრანების მიღებისა (MEMCAST™) და მემბრანების ფორების განმსაზღვრელი (POROLUX™) აპარატურით აღიჭურვა. ფორების განმსაზღვრელი აპარატის შემმუშავებელმა და პროგრამის ავტორმა, ბელგიური ფირმა „პორომეტერის“ დირექტორმა დანი პატინიმ და ფირმა „ბენელიუქს საიანტიფიკ“-ის სპეციალისტმა ნატალია პოლტავსკამ მკვლევრებს აპარატურით მუშაობის სპეციფიკა გააცნეს.

ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტში პროფესორ-მასწავლებლებისათვის, მკვლევრებისა და დარგის სპეციალისტებისათვის ტრენინგი ჩატარდა კლიმატისა და აგროკლიმატის საკითხებზე. თელავივის უნივერსიტეტის ექსპერტმა ხოჯა ნიაზოვამ ტრენინგის მონაწილეებს გააცნო ფონდ „იორ ფორესტი“-ს მიერ ბათუმის გარშემო განლაგებული კლიმატური და აგროკლიმატური ავტომატიზირებული სადგურების გამოყენების ტექნიკური საკითხები და კვლევების ჩატარების მეთოდები. კომპლექსური სადგური მიერ მიღებული ინფორმაცია გამოიყენება ქალაქის ურბანული, კლიმატური, ტურისტულის, უსაფრთხოების და ჯანდაცვის, პრობლემების მოსაგვარებლად.

ბათუმის შოთა რუსთაველის სახელმწიფო უნივერსიტეტს ბელარუსიის რესპუბლიკის მოგილევის რეგიონის დელეგაცია ეწვია. სტუმრები რექტორთან მერაბ ხალვაშთან, აჭარის განათლების, კულტურისა და სპორტის მინისტრთან ინგა შამილიშვილთან, რექტორის მოადგილესთან ნათია წიკლაშვილთან და მკვლევრებთან გამართულ შეხვედრაზე უნივერსიტეტის სასწავლო პროგრამებს, საერთაშორისო ურთიერთობებსა და ბსუ-ს სამეცნიერო ინსტიტუტების მიერ განხორციელებული სამეცნიერო პროექტების შედეგებს გაეცნენ.