ბსუ-ს საერთაშორისო გაცვლით პროგრამებში (ერაზმუს+, აჭარის ა.რ. ავტონომიური რესპუბლიკის განათლებისა და სპორტის სამინისტროს მიერ დაფინანსებული) მონაწილე კონკურსანტთა ტესტირების შედეგები უცხო ენაში იხილეთ დანართ 1-ში. კონკურსანტებისთვის, ვინც წარმატებით გადალახა მინიმინალური ბარიერი უცხო ენის ტესტირებაში (71 ქულა), კონკურსის შემდეგი ეტაპი - გასაუბრება კონკურსის შესარჩევ კომისიასთან ჩატარდება 14 აპრილს, 10:00 საათიდან, სტრატეგიული განვითარებისა და საერთაშორისო ურთიერთობების დეპარტამენტში, ოთახი N35;

2025 წლის 31 მარტი-4 აპრილი, ბსუ-ს ტექნოლოგიურ ფაკულტეტს საერთაშორისო გაცვლითი პროგრამის ფარგლებში ეწვია პორტუგალიის კასტელო ბრანკოს პოლიტექნიკური უნივერსიტეტის ტექნოლოგიების ფაკულტეტის ელექტრო და ინდუსტრიული ინჟინერიის დეპარტამენტის კოორდინატორი, პროფესორი პედრო ტორესი. ვიზიტის ფარგლებში პროფესორმა ტორესმა ჩაატარა ლექციები, პრაქტიკული სემინარები და სამუშაო შეხვედრები, ასევე გაეცნო ტექნოლოგიურ ფაკულტეტზე მიმდინარე სასწავლო პროცესს, დეკანატისა და დეპარტამენტების მუშაობას, ლაბორატორიებში მიმდინარე სამუშაო პროცესებს.

აშშ-ის ფულბრაიტის გაცვლითი პროგრამის მკვლევართა და ლექტორთა შეხვედრა გაიმართა ბსუ-ს სტუდენტებთან. ღონისძიების ფარგლებში, ამერიკელმა სპეციალისტებმა, რომლებიც ერთი სასწავლო წლით საქართველოს სხვადასხვა უნივერსიტეტში მუშაობენ (სწავლება/კვლევა) სტუდენტებს გააცნეს აშშ-ში სამაგისტრო პროგრამებზე სწავლის და კვლევის შესაძლებლობები: უნივერსიტეტის შერჩევა, დოკუმენტაციის მომზადება, განაცხადის შევსება, დარეგისტრირება და უპასუხეს სტუდენტთა შეკითხვებს.

2025 წლის 31 მარტს ბათუმის შოთა რუსთაველის სახელმწიფო უნივერსიტეტში საერთაშორისო გაცვლითი პროგრამების წარდგენა გაიმართა. ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსმა მარინე გიორგაძემ და მთავარმა სპეციალისტმა ნუნუ ჯაფარიძემ საბაკალავრო, სამაგისტრო და სადოქტორო პროგრამების სტუდენტებს 2025-2026 სასწავლო წლის შემოდგომის სემესტრისთვის გამოცხადებული „Erasmus+“, აჭარის ა.რ. განათლების სამინისტროს გაცვლითი პროგრამა („საბაკალავრო პროგრამა“) და სხვა გაცვლითი პროგრამები გააცნეს.

2025 წლის 4 აპრილს, 11:00სთ-დან - 14.00 სთ-მდე, ბათუმის შოთა რუსთაველის სახელმწიფო უნივერსიტეტში, აუდ. #32-ში, ჩატარდება აშშ-ის ფულბრაიტის გაცვლითი პროგრამის მკვლევართა და ლექტორთა შეხვედრა ბსუ-ს სტუდენტებთან. ღონისძიების ფარგლებში, ამერიკელი სპეციალისტები ბსუ-ს სტუდენტებს გააცნობენ აშშ-ში სწავლის და კვლევის შესაძლებლობებს.

2025 წლის 17-21 მარტს, „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში მურსიის უნივერსიტეტის ასოცირებული პროფესორი, ხუან ანტონიო ბუენდია სანჩესი იმყოფებოდა.ასოცირენულმა პროფესორმა ხუან ანტონიო ბუენდია სანჩესმა ბსუ-ს იურიდიულ და სოციალური მეცნიერებათა ფაკულტეტის სამართალმცოდნეობის, საერთაშორისო ურთიერთობებისა და ევროპისმცოდნეობის საბაკალავრო საგანმანათლებლო პროგრამის სტუდენტებისთვის საჯარო ლექციების ციკლი წაიკითხა ევროკავშირის სამართლის, ევროპარლამენტის, ევროპული სააგენტოებისა და რეგიონების კომიტეტების (CoR) შესახებ.

ბათუმის შოთა რუსთაველის სახელმწიფო უნივერსიტეტი ბსუ-ს აკადემიური და ადმინისტრაციული პერსონალისთვის აცხადებს ევროკომისიის მიერ დაფინანსებული „ერაზმუს+"-ის გაცვლითი პროგრამის კონკურსს 2024-2025 სასწავლო წლის გაზაფხულის სემესტრისთვის და 2025 – 2026 სასწავლო წლისთვის მოკლევადიანი მობილობის განსახორციელებლად.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ევროპის სხვადსხვა უნივერისტეტში მობილობის განსახორციელებლად 2025-2026 სასწავლო წლის შემოდგომის სემესტრისთვის (დეტალური ინფორმაცია იხილეთ დანართ 1-ში; გთხოვთ, გაითვალისწინოთ, რომ მიმღები უნივერსიტეტების შესახებ ინფორმაცია, შეიძლება განახლდეს 1-5 აპრილისთვის).