საქართველოში რუმინეთის საელჩოს ხელმძღვანელის თანაშემწე რადუ გორინჩიო ვიზიტით ბათუმის შოთა რუსთაველის სახელმწიფო უნივერსიტეტში იმყოფებოდა. დიპლომატიური კორპუსის წარმომადგენელმა რექტორის მოადგილესთან ნათია წიკლაშვილთან და საგარეო ურთიერთობათა და სტრატეგიული განვითარების სამსახურის უფროსთან ნანა ყურშუბაძესთან გამართულ შეხვედრაზე რუმინეთის წამყვან უნივერსიტეტებთან თანამშრომლობის შესაძლებლობებზე და სამომავლო გეგმებზე ისაუბრა. დაიგეგმა სხვადასხვა უმაღლეს სასწავლებელთან მემორანდუმის გაფორმება, გაცვლითი პროგრამების ამოქმედება და ერთობლივი პროექტების განხორციელება.

ავსტრიის ფედერალური კანცლერის აპარატი და გაერთიანება - „ავსტრიის კულტურული კონტაქტები“ (KulturKontakt Austria) 2016 წელს უცხოელი ხელოვანებისთვის 50 სტიპენდიის გაცემას გეგმავენ. სასტიპენდიო კონკურსში მონაწილეობის უფლება აქვთ მხოლოდ უმაღლესი განათლების მქონე ხელოვანებს, რომელთა ასაკიც არ აღემატება 40 წელს. კონკურსის ერთ-ერთ წინაპირობას გერმანული ან ინგლისური ენის ცოდნა წარმოადგენს. ავსტრიული სტიპენდიები მოიცავს ხელოვნების 9 მიმართულებას: ვიზუალური ხელოვნება, ფოტოხელოვნება, ვიდეო და მედია ხელოვნება, ინტერდისციპლინარული ხელოვნება, კომპოზიცია, ლიტერატურა, ლიტერატურა ბავშვებისა და ახალგაზრდებისათვის, ლიტერატურული თარგმანი, სახელოვნებო და კულტურული განათლება.

სტიპენდია მოიცავს 1-დან 6 თვემდე კვლევითი ვიზიტების დაფინასებას პოლონეთში, კრაკოვის უნივერსიტეტში.

ბრაზილიაში სასწავლო სტიპენდიები დოქტორანტებისა და პოსტ-დოქტორანტებისათვის. განაცხადის შეტანის ბოლო ვადაა ამა წლის 24 აგვისტო.

პორტოს უნივერსიტეტი აცხადებს აპლიკაციების მიღებას ინჟინერიის მიმართულების სამაგისტრო სწავლებაზე : MIETE - Master in Innovation and Technological Entrepreneurship. რეგისტრაციის ბოლო ვადა : 12 აგვისტო, 2015.

იზმირის უნივერსიტეტის უცხო ენების ფაკულტეტი აცხადებს რეგისტრაციას კონფერენციაზე „ELT Without Limits”, რომელიც გაიმართება 2015 წლის 11 სექტემბერს თურქეთში, ქალაქ იზმირში.

ვარნის მენეჯმენტის უნივერსიტეტის კულინარიული ხელოვნების ინსტიტუტი კულინარიული ხელოვნების საბაკალავრო ხარისხის პროგრამაზე გამოყოფს 3 სტიპენდიას ქართველი სტუდენტებისთვის.
სტიპენდია 1000-დან 5000 ევროს ფარგლებშია (სტუდენტების აკადემიური მოსწრების შესაბამისად).

საქართველოს სახელმწიფო მოდერნიზაციის ინსტიტუტის (GISM) ორგანიზებით საქართველოს პრეზიდენტი პროექტის "უკან მომავალში" მონაწილე ახალგაზრდებს შეხვდა. ღონისძიებაში სხვადასხვა უნივერსიტეტის სტუდენტებთან ერთად ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტები: ანა ნიქაბაძე, მიხეილ ბენია და ლევან სოლომკო მონაწილეობნდნენ. გიორგი მარგველაშვილმა საქართველოს ევროკავშირში ინტეგრაციის პროცესზე ისაუბრა და ახალგაზრდების შეკითხვებს უპასუხა. შეხვედრისას საუბარი შეეხო პროექტის ინოვაციურობას, მის არსსა და კონცეფციას, ასევე სტრატეგიულ მიზნებსა და მოსალოდნელ შედეგებს.