5-9 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში პოლონეთის ვროცლავის უნივერსიტეტის პოლიტიკურ მეცნიერებათა და მედია კვლევების პროფესორი იმყოფებოდა. პროფესორმა მიხაილ ჯაკუინსკიმ ბსუ-ს იურიდიულ და სოციალური მეცნიერებათა ფაკულტეტის ევროპისმცოდნეობისა და საერთაშორისო ურთიერთობების საბაკალავრო საგანმანათლებლო პროგრამის სტუდენტებისათვის ჩაატარა ლექცია თემაზე : სოციალური მედიის გავლენა პოლიტიკურ პროცესებზე, პოლონეთის მაგალითი.

„ერაზმუს+“-ის გაცვლითი პროგრამის აკადემიური მობილობის ფარგლებში, ბსუ-ს ლექტორი ირმა გაბინაშვილი პოლონეთში, შჩეცინის უნივერსიტეტის სოციალური მეცნიერებების ფაკულტეტის პოლიტოლოგიის გამოწვევების და კვლევების ინსტიტუტში იმყოფებოდა. ირმა გაბინაშვილმა ლექციები ჩაატარა საჯარო დაწესებულებების მენეჯმენტისა და საზოგადოებასთან ურთიერთობის ფაკულტეტის II და V და კურსის სტუდენტებისთვის თემებზე: „საჯარო პოლიტიკა - სტრატეგიული დაგეგმვა“ და „სტრატეგიული საკომუნიკაციო ინსტრუმენტები ხელისუფლების ეფექტიანობის გაუმჯობესების პროცესში“. სალექციო შეხვედრებს შჩეცინის უნივერსიტეტის სოციალურ მეცნიერებათა ფაკულტეტის პროფესორი მაჩეი დჟონეკი მასპინძლობდა.

„ერაზმუს+“-ის გაცვლითი პროგრამის ფარგლებში, ბსუ-ს საბუნებისმეტყველო მეცნიერებათა და ჯანდაცვის ფაკულტეტის ასოცირებული პროფესორი მარინა ნაგერვაძე კარპატების სახელმწიფო კოლეჯში (პოლონეთი) იმყოფებოდა აკადმეიური მობილობის განსახორციელებლად. ვიზიტის ფარგლებში საექთნო საქმის სტუდენტებისათვის ასოცირებულმა პროფესორმა მარინა ნაგერვაძემ ჩაატარა ლექციები თემებზე: განვითარების გენეტიკა, ემბრიოგენეზის ტერატოგენები; ტყუპები, მათი წარმოშობის მექანიზმი და გენეტიკა; ეპიგენეტიკური ფაქტორები და მექანიზმები და ფარმაკოგენომიკა და მისი როლი პერსონალიზებულ მედიცინაში.

„ერაზმუს+“-ის გაცვლითი პროგრამის ფარგლებში, 4-8 ივლისს ბსუ-ს პროფესორ-მასწავლებლები შოთა როდინაძე და ქეთევან სვანიძე ადმინისტრაციული მობილობით იმყოფებოდნენ სილეზიის ტექნოლოგიურ უნივერსიტეტში, პოლონეთში. დელეგაციის წევრები გაეცნენ უნივერსიტეტის საგანმანათლებლო პროგრამებს, საუნივერსიტეტო ცხოვრებას, მიმდინარე სასწავლო პროცესსა და სიახლეებს. ვიზიტის ფარგლებში შოთა როდინაძე და ქეთევან სვანიძე შეხვდნენ დეპარტამენტების, ლაბორატორიებისა, საგარეო ურთიერთობათა სამსახურის წარმომადგენლებს და მონაწილეობა მიიღეს პოლონური ენის შემსწავლელი მასტერკლასში.

„ერაზმუს+“-ის გაცვლითი პროგრამის ფარგლებში, 22-26 მაისს ბსუ-ს პროფესორი მაია ბარამიძე, ასისტენტ პროფესორი შოთა როდინაძე და უფროსი მასწავლებელი ნონა ნიქაბაძე აკადემიური მობილობით იმყოფებოდნენ რიზეს რეჯეფ თაიფ ერდოღანის უნივერსიტეტში (თურქეთი). პროფესორ-მასწავლებლებლებმა ლექციები წაიკითხეს და პრაქტიკული მეცადინეობა ჩაატარეს საკითხებზე: „ქართული დამწერლობა; ქართული სალიტერატურო ენა და დიალექტები“, „თემატურ-პრაქტიკული აქტივობანი არჩევნების საკითხებზე”, „შოთა რუსთაველის პოემის - „ვეფხისტყაოსნის“ თურქული თარგმანის ანალიზი“. ვიზიტის ფარგლებში გამართულ შეხვედრაზე დაიგეგმა სამომავლო თანამშრომლობის მიმართულებები.

31 მაისს-6 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ვიტაუტას მაგნუს უნივერსიტეტის საბუნებისმეტყველო მეცნიერებათა ფაკულტეტის გარემოს დაცვის დეპარტამენტის ასოცირებული პროფესორი გიედრე კასიენე იმყოფებოდა. ასოცირებულმა პროფესორმა გიედრე კასიენემ ბსუ-ს საბუნებისმეტყველო მეცნიერებათა და ჯანდაცვის ფაკულტეტის სტუდენტებისთვის საჯარო ლექცია წაიკითხა თემებზე: გარემოს ბიოინდიკატორები, ბიოგეოქიმიური ციკლი დ გარემოს ეკოლოგია.

ბსუ-ს იურიდიული და სოციალურ მეცნიერებათა ფაკულტეტის ასისტენტ პროფესორმა გიგა ფარტენაძემ „ერაზმუს+“-ის გაცვლითი პროგრამის ფარგლებში ლექციები წაიკითხა ევორას უნივერსიტეტში (პორტუგალია). მომხსენებელმა განიხილა ისეთი მნიშვნელოვანი საკითხები, როგორიცაა: საქართველოსა და ევროკავშირს შორის ურთიერთობა, ღია მმართველობა, ღია მმართველობის პარტნიორობის ფარგლებში ქვეყნის მიღწევები და მდგარი განვითარება. ასისტენტ პროფესორმა გიგა ფარტენაძემ ევორას უნივერსიტეტის სტუდენტებს ასევე გააცნო საქართველოს არსებული პოტენციალი ევროინტეგრაციისკენ მიმავლ გზაზე და ღია მმართველობის აქტუალური საკითხები საქართველოს გამოცდილების გათვალისწინებით. უნივერსიტეტის წარმომადგენლებთან გამართულ შეხვედრაზე დაიგეგმა სამომავალო თანამშრომლობის მიმართულებები.

29 მაისს - 2 ივნისს ბათუმის შოთა რუსთაველის სახელმწიფო უნივერსიტეტში „ერაზმუს+“- ის აკადემიური პერსონალის გაცვლითი პროგრამის ფარგლებში, რუსეს ანგელ კანჩევის უნივერსიტეტის (ბულგარეთი) ასოცირებული პროფესორები ალექსანდრე ივანოვი და გალინა ივანოვა იმყოფებოდნენ. ვიზიტის ფარგლებში გაიმართა სამუშაო შეხვედრა კომპიუტერულ მეცნიერებათა დეპარტამენტის აკადემიურ პერსონალთან და სტრატეგიული განვითარებისა და საგარეო ურთიერთობათა დეპარტამენტის თანამშრომლებთან. მხარეებმა შეხვედრაზე სამომავლო გეგმებზე და ერთობლივი პროექტების განხორციელებაზე ისაუბრეს.