2024 წლის 22-29 აპრილს, „ერაზმუს+“-ის გაცვლითი პროგრამის ფარგლებში, ბსუ-ს ჰუმანიტარულ მეცნიერებათა ფაკულტეტის ასოცირებული პროფესორი ნათია ქათამაძე აკადემიური მობილობით იმყოფებოდა დაუგავპილსის უნივერსიტეტში (ლატვია). ნათია ქათამაძემ ლექციები წაიკითხა და პრაქტიკული მეცადინეობები ჩაატარა ჰუმანიტარულ მეცნიერებათა მიმართულებების, ინგლისური ფილოლოგიის, სტუდენტებთან. ვიზიტის ფარგლებში ნათია ქათამაძე გაეცნო საგანმანათლებლო პროგრამებს, საუნივერსიტეტო ცხოვრებას, მიმდინარე სასწავლო პროცესსა და სიახლეებს, ასევე შეხვდა უნივერსიტეტის დეპარტამენტის პროფესორებს, საგარეო ურთიერთობათა სამსახურის წარმომადგენლებს და დაიგეგმა სამომავლო თანამშრომლობის მიმართულებები.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ასოცირებული პროფესორი ქეთევან სვანიძე „ერაზმუს+“-ის აკადემიური პერსონალის გაცვლითი პროგრამის ფარგლებში, 2024 წლის 18-22 აპრილს პოლონეთის ქალაქ ვროცლავის უნივერსიტეტში მყოფებოდა. ქეთევან სვანიძემ აღნიშნული კვირის განმავლობაში ჩატარა სალექციო მეცადინეობები კულტურათაშორის კომუნიკაციასა და ლინგვოკულტუროლოგიაში ვროცლავის უნივერსიტეტის საბაკალავრო და სამაგისტრო პროგრამების სტუდენტებისთვის.

2024 წლის 5-10 მაისს, „ერაზმუს+“-ის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ პროფესორი ნათია ბერიძე აკადემიური მობილობით იმყოფებოდა ვიძემის გამოყენებით მეცნიერებათა უნივერსიტეტში (ლატვია). ნათია ბერიძემ ლექციები წაიკითხა და პრაქტიკული მეცადინეობები ჩაატარა III კურსის სტუდენტებთან მასპინძლობის მიმართულებით. ვიზიტის ფარგლებში ნათია ბერიძე გაეცნო საგანმანათლებლო პროგრამებს, საუნივერსიტეტო ცხოვრებას, მიმდინარე სასწავლო პროცესსა და სიახლეებს, ასევე შეხვდა უნივერსიტეტის დეპარტამენტებისა და საგარეო ურთიერთობათა სამსახურის წარმომადგენლებს.

2024 წლის 15-19 აპრილს, „ერაზმუს+“-ის გაცვლითი პროგრამის ფარგლებში, ბსუ-ს ზუსტ მეცნიერებათა და განათლების ფაკულტეტის ასისტენტ პროფესორი ნათია აბაშიძე და ჰუმანიტარულ მეცნიერებათა ფაკულტეტის მოწვეული უფროსი მასწავლებელი, ფილოლოგიის დოქტორი სოფიო კახიძე აკადემიური მობილობით იმყოფებოდნენ საფრანგეთში, რუანის ნორმანდიის უნივერსიტეტში. ნათია აბაშიძემ და სოფიო კახიძემ ლექციები წაიკითხეს და პრაქტიკული მეცადინეობები ჩაატარეს ლინგვისტიკის სამაგისტრო პროგრამის სტუდენტებთან.

2024 წლის 27-31 მაისს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასისტენტი ნინო კონცელიძე „ერაზმუს+“-ის აკადემიური პერსონალის გაცვლითი პროგრამის ფარგლებში, იმყოფებოდა რუმენეთში, სტეფან სელ მარეს უნივერსიტეტში. ვიზიტის ფარგლებში ნინო კონცელიძემ სტეფან სელ მარეს უნივერსიტეტის ეკონომიკის ფაკულტეტის სტუდენტებს ჩაუტარა ლექციები შემდეგ თემატიკაზე: საქართველოს ლურჯი ეკონომიკა: საზღვაო გადაზიდვების განვითარება, ეკონომიკური ზრდის ახალი თვისობრიობა: მწავენე ეკონომიკა, ინოვაციების ზეგავლენა საქართველოს ეკონომიკურ ზრდაზე, სიღარიბის გავლენა ეკონომიკურ ზრდასა და შემოსავლების უთანაბრობაზე.

2024 წლის 13 მაისიდან 17 მაისის ჩათვლით ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასისტენტ-პროფესორი გიორგი ქათამაძე ერაზმუს+ მობილობის პროგრამით იმყოფებოდა პორტუგალიაში, ავეიროს უნივერსიტეტში. გიორგი ქათამაძემ უნივერსიტეტის ეკონომიკის ფაკულტეტის მენეჯმენტის სპეციალობის სტუდენტებს ჩაუტარა ლექციები.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ვიგოს უნივერისტეტში (ესპანეთი) მობილობის განსახორციელებლად 2024-2025 სასწავლო წლის შემოდგომა/გაზაფხულის სემესტრებისთვის (დეტალური ინფორმაცია იხილეთ დანართი 1-ში)

ბათუმის შოთა რუსთაველის სახელმწიფო უნივერსიტეტი ბსუ-ს საბაკალავრო საგანმანათლებლო პროგრამების სტუდენტებისთვის აცხადებს აჭარის ავტონომიური რესპუბლიკის განათლების, კულტურისა და სპორტის სამინისტროს მიერ დაფინანსებული გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით 2024-2025 სასწავლო წლისთვის.