2019 წლის 27-29 ივნისს, ქალაქ სტამბულში, ილდიზის ტექნოლოგიურ უნივერსიტეტში მე-5 საერთაშორისო კონფერენცია განათლებასა და სოციალურ მეცნიერებებში. მონაწილეობის მიღების მსურველებმა ნაშრომები უნდა წარადგინონ 2019 წლის 10 მაისამდე. დამატებითი ინფორმაცია იხილეთ დანართში.

საქართველოს ICT ბიზნეს საბჭო და საქართველოს იუსტიციის სამინისტროს მონაცემთა გაცვლის სააგენტო ორგანიზებით 4-5 ივნისს, თბილისში გაიმართება რიგით მე-11 რეგიონული საქართველოს კიბერუსაფრთხოებისა და საინფორმაციო ტექნოლოგიათა ინოვაციების კონფერენცია (GITI 2019). კონფერენციაში მონაწილეობის მსურველებმა დამატებითი ინფორმაცია იხილეთ დანართში.

ცხადდება კონკურსი ბსუ-ს აკადემიური და ადმინისტრაციული პერსონალისთვის ევროკომისიის მიერ დაფინანსებული ერაზმუს + ICM პროგრამის სტიპენდიების მოსაპოვებლად მინიოს უნივერსიტეტში (პორტუგალია).

ხარკოვის პოლიტექნიკური უნივერსიტეტი 2019 წლის 3-4 ოქტომბერს ატარებს პირველ საერთაშორისო სამეცნიერო-პრაქტიკულ კონფერენციას თემაზე: „ეროვნული ჯანმრთელობა და ფიზიკური ჯანმრთელობის კულტურა და სპორტული განათლება“. კონფერენციაში მონაწილეობის მსურველებმა დეტალური ინფორმაცია იხილეთ დანართებში.

ივანე ჯავახიშვილის სახელობის თბილისის სახელმწიფო უნივერსიტეტში, 10-11 აპრილს, ევროკავშირის დონორი პროგრამების (Erasmus+, Horizon2020, MSCA) ფარგლებში გამართულ საქართველო–ირლანდიის საკონტაქტო სემინარში მონაწილეობა მიიღო ბსუ-ს სტრატეგიული განვითარებისა და საერთაშორისო ურთიერთობათა დეპარტამენტის მთავარმა სპეციალისტმა ხათუნა ხაბაძემ. ორდღიანი სემინარის მიზანი იყო ქართული და ირლანდიური უნივერსიტეტების თანამშრომლობის გაღრმავება, ერთობლივი საგრანტო წინადადებების შემუშავება და კონკრეტული პროექტების ფარგლებში კონსორციუმების ფორმირების შესაძლებლობათა განხილვა.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტმა ნინო დევაძემ ერასმუს+-ის პროგრამის ფარგლებში პორტუგალიაში, მინიოს უნივერსიტეტში ლექციები ჩაატარა. ნინო დევაძემ ერთი კვირის განმავლობაში სემინარები ჩაატარა ასევე ბაკალავრიატისა და მაგისტრატურის საგანმანათლებლო პროგრამების სტუდენტებისათვის ტურიზმის მდგრადი განვითარების საკითხებზე.

2019 წლის 26-28 სექტემბერს ბულგარეთში, ქალაქ სოზოპოლში გაიმართება მე-19 სამეცნიერო კონფერენცია თემაზე: „ტექნოლოგია, კულტურა და საერთაშორისო სტაბილურობა“. კონფერენციის მიზანია ახალი კვლევების წარმოდგენა, იდეებისა და გამოცდილების გაზიარება. სესიაში მონაწილეობას მიიღებენ მეცნიერები მსოფლიოს სხვადასხვა ქვეყნიდან. დაწვრილებითი ინფორმაცია იხილეთ დანართში.

ბათუმის შოთა რუსთაველის სახელმწიფო უნივერსიტეტს „ერაზმუს+-ის“ აკადემიური პერსონალის გაცვლითი პროგრამის ფარგლებში რუსეს ანგელ კანჩევის უნივერსიტეტის (ბულგარეთი) და ალკალას უნივერსიტეტის (ესპანეთი) პროფესორები ეწვივნენ. ვიზიტის ფარგლებში, ბულგარელმა პროფესორებმა დიანა ჟელეზოვა-მინდიზოვამ და ცვეტელინა ჰარაკჩისკამ სამუშაო შეხვედრები გამართეს ჰუმანიტარულ მეცნიერებათა ფაკულტეტის ევროპეისტიკის დეპარტამენტის თანამშრომლებთან და ერთი კვირის განმავლობაში ლექციები წაიკითხეს ინგლისური ფილოლოგიის სპეციალობის სტუდენტებისათვის.