2024 წლის 22 ივლისიდან 17 აგვისტოს ჩათვლით, ბსუ-ს თურქოლოგიის საბაკალავრო პროგრამის მეოთხე კურსის სტუდენტები ანა ქამადაძე და ლელა ვანაძე, კონკურსში გამარჯვების საფუძველზე, მონაწილეობდნენ თურქული ენის საზაფხულო სკოლის მუშაობაში, რომელიც ორგანიზებული იყო - თურქული ენის სწავლებისა და კვლევის ცენტრის (TOMER) მიერ. პროგრამაში ჩართული იყო 14 ქვეყნის 180 სტუდენტი.
საზაფხულო სკოლის ფარგლებში სტუდენტები ინტენსიურად ეუფლებოდნენ თურქულ ენას; მონაწილეობდნენ ასევე კულტურულ-საგანმანათლებლო პროგრამაში, დაათვალიერეს ანკარაში მდებარე სხვადასხვა ღირსშესანიშნავი ადგილი, მუზეუმები, ბიბლიოთეკები და ა.შ.
