გაზეთი „ბათუმის უნივერსიტეტი“ ეტაპობრივად იმ აბიტურიენტებს გაგაცნობთ, რომელებმაც არჩევანი მათივე ქალაქში არსებულ ტრადიციულ უმაღლეს საგანმანათლებლო კერაზე შეაჩერეს.

4 ივლისს ერთიანი ეროვნული გამოცდები იწყება და შესაბამისად, აბიტურიენტების ემოციური ფონი მატულობს. გამოცდებს წინ ბევრი შრომა, უძილო ღამე და მომავალზე ფიქრი უსწრებს. შესაბამისად, ბათუმის შოთა რუსთაველის სახელმწიფო უნივერსიტეტიც სექტემბრიდან ახალ თაობას ელის. გაზეთი „ბათუმის უნივერსიტეტი“ ეტაპობრივად იმ აბიტურიენტებს გაგაცნობთ, რომელებმაც არჩევანი მათივე ქალაქში არსებულ ტრადიციულ უმაღლეს საგანმანათლებლო კერაზე შეაჩერეს.

ბათუმის შოთა რუსთაველის სახელმწიფო უნივერსიტეტში ბსუ-ს USAID-ის საბაზისო პროექტ „იდეატორთა კლუბის“ _ „წლის იდეატორი“ გამოვლინდა. წარმოდგენილი ექვსი საჯარო სკოლიდან, ჟიურიმ „წლის იდეატორის“ ჯილდო ბათუმის მე-14 საჯარო სკოლის მოსწავლეებს გადასცა. დასკვნით ღონისძიებაზე გამოვლინდა ყველაზე „ინოვაციური“, „პრაქტიკული“, „მდგრადი“, „კრეატიული“ და „შემოქმედებითი“ პროექტები.

ბათუმის შოთა რუსთაველის სახელმწიფო უნივერსიტეტში სკოლისა და უნივერსიტეტის თანამშრომლობის კლუბის „სკოლა-უნივერსიტეტი” ფარგლებში მეცხრე სამეცნიერო კონფერენცია _ „სწავლებისა და აღზრდის აქტუალური პრობლემები“ გაიმართა, რომელიც ზუსტ მეცნიერებათა და განათლების ფაკულტეტის პედაგოგიურ მეცნიერებათა დეპარტამენტის ორგანიზებით ჩატარდა. კონფერენციაში სტუდენტებთან ერთად მონაწილეობა მიიღეს ბათუმისა და სხვადასხვა რეგიონის საჯარო და კერძო სკოლების მოსწავლეებმა. კონფერენცია გახსნეს და აუდიტორიას სიტყვის მიმართეს ბსუ-ს ზუსტ მეცნიერებათა და განათლების ფაკულტეტის დეკანმა, პროფესორმა ლელა თურმანიძემ, აჭარის ა.რ. განათლების, კულტურისა და სპორტის სამინისტროს განათლების დეპარტამენტის ხელმძღვანელმა ნატო ბერიძემ, ქართულ-ამერიკული სკოლა „პროგრესის“ დირექტორმა ნანა ჩარექიშვილმა და ასოცირებულმა პროფესორმა ჟანა ჭითანავამ.

„მე ვარ მაგდა ვაშაყმაძე, 17 წლის. ვამთავრებ ქალაქ ბათუმის მე-15 საჯარო სკოლას ოქროს მედალზე, ვარ აბიტურიენტი. სანამ მეთორმეტე კლასში გადავიდოდი, დაინტერესებული ვიყავი უცხო ენებით. აქტიურად ვსწავლობდი ფრანგულ ენას. ამ ეტაპზე ვემზადები ერთიანი ეროვნული გამოცდებისთვის და ვეცნობი დეტალურ ინფორმაციას სტუდენტური ცხოვრების შესახებ.