წარმატებით გაიარეს პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის საერთაშორისო ურთიერთობების საბაკალავრო და ეკონომიკისა და ბიზნესის ფაკულტეტის ეკონომიკის სამაგისტრო საგანმანათლებლო პროგრამებმა. ვულოცავთ სტუდენტებსა და პროფესორ-მასწავლებლებს ამ მნიშვნელოვან გამარჯვებას.
წარმატებით გაიარეს პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ფსიქოლოგიის საბაკლავრო და კლინიკური ფსიქოლოგიის სამაგისტრო საგანმანათლებლო პროგრამებმა. ვულოცავთ სტუდენტებსა და პროფესორ-მასწავლებლებს ამ მნიშვნელოვან გამარჯვებას.
ბათუმის შოთა რუსთაველის სახელმწიფო უნივერსიტეტი ჩართულია საქართველოში აშშ-ს საელჩოს მედია განათლების MEDIA EDUCATION PROGRAM (MEP) საგრანტო პროგრამაში. პროგრამის ფარგლებში ბსუ-ს სამუშაო ვიზიტით ჩიკაგოს დეპოლის უნივერსიტეტის, სამხრეთ ილინოისის სახელმწიფო უნივერსიტეტის პროფესორები, მედიაექსპერტები და საქართველოში აშშ-ს საელჩოს წარმომადგენლები ეწვივნენ.
ბსუ-ს ხარისხის უზრუნველყოფის სამსახურისა და ინოვაციური განათლების ცენტრის ორგანიზებით, უნივერსიტეტის აკადემიურ პერსონალს დისტანციურად, ZOOM-ის პლატფორმის გამოყენებით, ჩაუტარდა ტრენინგი თემაზე: „როგორ დავგეგმოთ შრომის ბაზრის კვლევა საგანმანათლებლო პროგრამებისთვის". ორდღიანი ტრენინგი ჩაატარეს ცენტრის წარმომადგნელებმა მარიამ დარბაიძემ და ნათია გოცაძემ. ღონისძიების მონაწილეები გაეცნენ ინფორმაციას, თუ როგორ უნდა შემუშავდეს ბაზრის კვლევის დოკუმენტი; სწორად როგორ მოერგოს რაოდენობრივი და თვისობრივი მეთოდების გამოყენება ბაზრის კვლევის დაგეგმვისას; სწორი სამიზნე აუდიტორიის შერჩევა და აქცენტების გაკეთება და ბაზრის კვლევის შედეგების საჭირო დოკუმენტაციაში სწორად ასახვა. ტრენინგის დასრულების შემდეგ, მონაწილეებს გადაეცათ ელექტრონული სერტიფიკატები.
„Erasmus+“-ის საგრანტო პროექტის „საგანმანათლებლო, სამეცნიერო, მართვის და ინდუსტრიული კომპეტენციების ერთობლიობა კლიმატის მართვისა და კლიმატის ცვლილებების პრევენციისათვის“ ფარგლებში, ბსუ-ს ხარისხის უზრუნველყოფის სამსახურში პროექტის მონაწილეებმა ტექნოლოგიური ფაკულტეტის აგრარული მიმართულებით კლიმატის მენეჯმენტის ლაბორატორიის კონცეფცია და საგანმანათლებლო პროგრამების მოდულები განიხილეს. შეხვედრაზე მონაწილეებმა წარადგინეს წინადადებები და იმსჯელეს შემდგომ სამოქმედო გეგმაზე. ბათუმის სახელმწიფო უნივერსიტეტში კლიმატის მენეჯმენტის ლაბორატორია გაიხსნება ტექნოლოგიური ფაკულტეტის აგრარული მიმართულების სასწავლო კორპუსში და მოემსახურება სტუდენტებში პრაქტიკული უნარების განვითარებას.
