ბათუმის შოთა რუსთაველის სახელმწიფო უნივერსიტეტში ავტორიზაციის ექსპერტთა ვიზიტი დასრულდა. 22-დან 24 მაისის ჩათვლით უცხოელი და ქართველი ექსპერტები ბსუ-ს ადმინისტრაციას, მართვის ორგანოებს, სამსახურებს, აკადემიურ და სამეცნიერო პერსონალს, დამსაქმებლებს, ქართველ და უცხოელ სტუდენტებს შეხვდნენ. ექსპერტები უმაღლეს საგანმანათლებლო დაწესებულებას ავტორიზაციის განახლებული სტანდარტებისა და პროცედურების მიხედვით შეაფასებენ.
ბათუმის შოთა რუსთაველის სახელმწიფო უნივერსიტეტის აკადემიური პერსონალის პროფესიული განვითარების პროგრამის ფარგლებში 16-20 აპრილს განათლების ფაკულტეტის პროფესორებისთვის RESULT სისტემის ტრენინგი ჩატარდა. აკადემიური პერსონალი გაეცნო RESULT სისტემას, მის კომპონენტებსა (სასწავლო პროცესის აგება, წარმართვა და შეფასება) და დანერგვის საშუალებებს. პროფესორებს შესაძლებლობა მიეცათ ასევე RESULT სისტემის დანერგვისათვის საჭირო უნარ-ჩვევების განვითარებისა: ვიდეო-ლექციის ჩაწერა, კურსის შესაბამისი კვლევითი ამოცანების აგება, სტუდენტების ინსტრუქტაჟი, კვლევითი შეხვედრების (სემინარების) წარმართვა, სტუდენტების ინდივიდუალური და გუნდური შეფასება. დაიგეგმა RESULT სისტემის დანერგვა.
აკრედიტაცია გაიარა ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის თარგმანმცოდნეობის, ტექნოლოგიური ფაკულტეტის არქიტექტურის და ეკონომიკისა და ბიზნესის ფაკულტეტის ეკონომიკის საბაკალავრო საგანმანათლებლო პროგრამებმა. აკრედიტაცია პროგრამებს განათლების ხარისხის განვითარების ეროვნული ცენტრის საგანმანათლებლო პროგრამების აკრედიტაციის საბჭოს გადაწყვეტილებით მიენიჭა.
ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის პროფესორ-მასწავლებლებს ილიას სახელმწიფო უნივერსიტეტის პროფესორებმა გიგი თევზაძემ და გიორგი გახელაძემ ტრენინგი ჩაუტარეს. ტრენინგი, რომელშიც 20 პროფესორ-მასწავლებელი მონაწილეობდა, გაიმართა გიგი თევზაძისა და გიორგი გახელაძის მიერ მომზადებული სპეციალური პროგრამის - RESULT (Reserch and Education Systems Unified as Learning Tools) მიხედვით.
ილიას სახელმწიფო უნივერსიტეტის პროფესორებმა გიგი თევზაძემ და გიორგი გახელაძემ ტრენინგი ჩაუტარეს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის პროფესორ-მასწავლებლებს. სწავლება ტრენერების მიერ მომზადებული სპეციალური პროგრამის - RESULT (Reserch and Education Systems Unified as Learning Tools) მიხედვით. ფაკულტეტის აკადემიური პერსონალი ერთდღიანი ტრენინგის ფარგლებში სწავლების თანამედროვე მეთოდებს გაეცნენ.
